મુંબઈઃ ટીવી એક્ટર અને ‘બિગ બોસ 7’ની વિજેતા ગૌહર ખાન તેના લૂકને કારણે ઘણી વાર ચર્ચામાં રહે છે, પરંતુ ગૌહર હાલમાં તેના ઘરે છે અને સંપૂર્ણપણે લાઈમલાઇટથી દૂર છે. ગૌહર ખાન સોશિયલ મીડિયા દ્વારા જ ચાહકો સાથે વાત કરી રહી છે. ગૌહર વારંવાર તેના ફોટા અને વીડિયો શેર કરે છે.
લોકડાઉનને કારણે ગૌહર ખાનને ઘરના તમામ કામો જાતે કરવા પડી રહ્યા છે. ગૌહર ખાને ઈન્સ્ટાગ્રામ પર એક તસવીર શેર કરી છે. તેમાં કપડાં ધોયા પછી, તેમના હાથની સ્થિતિ સ્પષ્ટ જોઈ શકાય છે. તેણે પોતાની હથેળીને ‘ફેટી પામ’ કહ્યું છે. ગૌહરે કહ્યું કે કપડાં ધોયા પછી તેની હથેળી વધુ જાડી થઈ ગઈ છે.
ગૌહર ખાને આ અગાઉ એક પોસ્ટમાં કહ્યું હતું કે તેમને માઇગ્રેનની સમસ્યા છે અને આ કારણે તેને ઘણી મુશ્કેલીઓનો સામનો કરવો પડી રહ્યો છે. ગૌહરે માઈગ્રેનને કાકા કહીને બલાવ્યુ હતુ અને તેને જલ્દીથી છોડીને જવાનું કહ્યું હતું. ગૌહરની આ તસવીર પણ ઘણી વાયરલ થઈ હતી.
રમઝાનના પવિત્ર મહિનામાં ગૌહર ખાન રોજા રાખી રહી છે અને આ પહેલીવાર છે જ્યારે તે અને તેની બહેન નિગાર ખાન સાથે નથી. બોમ્બે ટાઇમ્સને આપેલા ઇન્ટરવ્યુમાં ગૌહર ખાને કહ્યું, ‘હું મારી બહેનને ખૂબ યાદ કરું છું. તે રમઝાનમાં મારી સાથે આવતી. તે ખૂબ જ થોડા લોકોમાંથી એક છે, જે સ્વાદિષ્ટ ભોજન બનાવે છે. તે સમોસા અને કબાબ બનાવે છે. હમણાં તે અમેરિકામાં આ બધું કરી રહી છે અને ત્યાં ફૂડ વ્યવસાય તરફ આગળ વધવાનું વિચારી રહી છે.
