શરીરમાં કોરોના વાયરસ વધતો રોકવાની મળી ગઈ દવા, US સંશોધનકારોએ કર્યો દાવો
અમેરિકન સંશોધનકારોએ એવી વસ્તુ શોધી કાઢી છે જે ચેપ પછી શરીરમાં કોરોના વાયરસની સંખ્યામાં વધારો થતો અટકાવશે. આ દવા પહેલેથી જ અસ્તિત્વમાં છે. હવે તેનો ઉપયોગ કોરોનાની સારવાર માટે કરવામાં આવશે. દવાનું નામ અબ્સેલેન છે. તેનો ઉપયોગ બાયપોલર ડિસઓર્ડર અને સાંભળવાની ક્ષમતામાં ઘટાડો (હિયરિંગ ડિસઓર્ડર)થવાની સારવારમાં થાય છે.
અમેરિકાની શિકાગો યુનિવર્સિટીએ આ દવા અંગે નવું સંશોધન કર્યું છે. સંશોધનકારોના જણાવ્યા અનુસાર- દવાથી એન્ઝાઇમ્સને નિયંત્રિત કરી શકાશે જે શરીરમાં કોરોનાની સંખ્યામાં વધારો કરે છે.
દર્દીની સ્થિતિ ગંભીર બનતા અટકાવશે
સાયન્સ એડવાન્સિસ જર્નલમાં પ્રકાશિત સંશોધન અહેવાલ મુજબ એમ-પ્રો નામનું એન્ઝાઇમ કોરોનાવાયરસને નકલ કરવામાં રોકવામાં અત્યંત મદદગાર છે. આ RNA કોરોનાનું સ્પાઇક પ્રોટીન બનાવે છે. કોરોના એમ-પ્રો એન્ઝાઇમની મદદથી કોરોના શરીરમાં સંખ્યામાં વધારો કરે છે. તેથી, દર્દીની સ્થિતિ ગંભીર બને છે. હવે વૈજ્ઞાનિકો આ એન્ઝાઇમને નિયંત્રિત કરશે અને તેની સારવાર કરશે.
દવા કોરોના સામે હશે હથિયાર
સંશોધનકાર જુઆન ડી પેબ્લોના જણાવ્યા અનુસાર- ડ્રગ ટીમે શોધી કાઢ્યું છે કે તે કોરોનાના એન્ઝાઇમ એમ-પ્રો સામે શસ્ત્રની જેમ કામ કરશે. તેને નિયંત્રિત કરવા માટે અબ્સેલેન નામના કેમિકલનો ઉપયોગ કરવામાં આવશે.
તેમાં એન્ટિવાયરલ, એન્ટી-ઇન્ફ્લેમેટરી અને એન્ટી ઓક્સિડેટીવ જેવી ખુબીઓ છે. આનાથી કોશિકાઓનો નાશ થતાં અટકાવી શકાશે. તેનો ઉપયોગ પહેલાથી જ બાયપોલર અને હિયરિંગ લોસ જેવા રોગોમાં કરવામાં આવે છે. આ દવા આ રોગોની સારવારમાં ખૂબ અસરકારક સાબિત થઈ છે.
કોરોનાના કિસ્સામાં ડ્રગ બે રીતે કાર્ય કરે છે
સંશોધનકારોના જણાવ્યા અનુસાર, ક્લિનિકલ ટ્રાયલ્સમાં તે સાબિત થયું છે કે અબ્સેલેન માણસો માટે સલામત છે. હવે તેનો ઉપયોગ કોરોનાની સારવારમાં થઈ શકે છે.
વધુ દવાઓ માર્ક કરવાનો પ્રયાસ ચાલુ
સંશોધનકારોના જણાવ્યા અનુસાર, તેઓ હાલમાં કોરોનાના એવાં પ્રોટીન શોધી રહ્યા છે જે ચેપગ્રસ્તની સ્થિતિને નાજુક બનાવે છે. તેનાંથી વાયરસનાં નવા જોમખ વિશે જાણીને તેનો ઈલાજ શોધવામાં આવશે.
