પહેલી વાર તો નહીં થાય વિશ્વાસ…પણ કરોડોની લેમ્બર્ગિની કારમાં બેસીને આ ભાઈ ઘરે આપી જાય છે કેરી
દુબઈ સ્થિત પાકિસ્તાન સુપર માર્કેટ એક એવું બજાર છે જ્યાં કરોડોની લેમ્બોર્ગિની કાર દ્વારા કેરી પહોંચાડાય છે. આટલું જ નહીં, જો કોઈ ગ્રાહક કેરીનો ઓર્ડર આપે છે તો તેને ફ્રી રાઈડ પણ મળશે.
વાસ્તવમાં, આ દુબઈનો મામલો છે, અહીં પાકિસ્તાની સુપર માર્કેટના મેનેજિંગ ડિરેક્ટર મોહમ્મદ જાનઝેબ અને તેની ટીમ લોકોને લક્ઝરી કાર લેમ્બોર્ગિનીથી કેરી પહોંચાડે છે અને તેઓ આ કામ રાજી-ખુશીથી કરી રહ્યા છે.
ગલ્ફ ન્યૂઝના એક રિપોર્ટ અનુસાર, મોહમ્મદ જાનઝેબ કહે છે કે રાજાએ રાજાની જેમ યાત્રા કરવી જોઈએ. આ સુપર માર્કેટના ફેસબુક પેજ પર જણાવાયું છે કે ઓફરનો લાભ મેળવવા માટે ગ્રાહકોએ ઓછામાં ઓછા 100 દિરહામનો (એટલે કે લગભગ બે હજાર રૂપિયા) ઓર્ડર આપવો જરૂરી છે .
જાનઝેબ કહે છે કે આ ઓફર લોકોના ચહેરા પર સ્મિત લાવવા અને તેમને વિશેષ અનુભૂતિ કરાવવા માટે શરૂ કરવામાં આવી છે. તેઓ જાતે પણ આ લક્ઝરી કારમાં નાની રાઈડ પર ગ્રાહકોને લઈ જાય છે.
અત્યારે દુબઈના કેરી પ્રેમીઓ આ ઓફરનો પૂરો લાભ લઈ રહ્યા છે અને તેમનો પ્રતિભાવ પણ આપી રહ્યા છે. કારમાં બેઠેલા કેરી પ્રેમીઓના ખુશમિજાજ વીડિયો અને તસવીરો ખૂબ વાયરલ થઈ રહ્યા છે.