મુંબઈઃબોલિવૂડ એક્ટ્રેસ જેકલીન ફર્નાન્ડિઝ ભારતના સૌથી ધનવાન બિઝનેસમેન મુકેશ અંબાણીની પત્ની નીતા અંબાણી સાથે પોતાની બેગ બદલવા ઈચ્છે. જેકલીને આ વાત હાલમાં જ એક ઈન્ટરવ્યૂમાં કહી હતી. જેકલીને ઈન્ટરવ્યૂમાં ફૂડ, ફિટનેસ તથા બોલિવૂડ પ્રત્યેનાલગાવની વાત કરી હતી. જેકલીને કહ્યું હતું કે તેને પિત્ઝા ઘણાં જ પસંદ છે.
બિઝી શૂટિંગ શિડ્યૂઅલ હોવા છતાંય તે પિત્ઝા ખાઈ જ લે છે પરંતુ વર્કઆઉટ માટે પણ પૂરતો સમય આપે છે. એક સવાલના જવાબમાં એક્ટ્રેસે કહ્યું હતું કે તે નીતા અંબાણીની સાથે પોતાની બેગ બદલવા ઈચ્છે છે.
આ સાથે જ જેકલીને એ વાત સ્વીકારી હતી કે આજે સો. મીડિયા જરૂરિયાત બની ગઈ છે અને અહીંયા સતત અપડેટ રહેવું પડે છે. ચાહકો સાથે સીધી વાત કરવાથી ફાયદો થાય છે અને તે બોલિવૂડમાં જ કામ કરવા ઈચ્છે છે. તેનું આ સપનું હતું.
નવા વર્ષને લઈને કહ્યું હતું કે તેના માટે 2020નું વર્ષ શાનદાર રહેશે. વર્ષની શરૂઆતમાં જ જેકલીનની ફિલ્મ ‘અટેક’ની જાહેરાત કરવામાં આવી હતી. આ ફિલ્મમાં જ્હોન અબ્રાહમ છે અને ફિલ્મ 15 ઓગસ્ટે રિલીઝ થશે.