ટપુસેનાના આ બે ફ્રેન્ડ્સ Real Lifeમાં એકબીજાના છે પ્રેમમાં? નામ જાણીને ચોંકી જશો
મુંબઈઃ ‘તારક મહેતા કા ઉલ્ટા ચશ્મા’ ટીવી પર લાંબા સમયથી આવે છે. આ શો ચાહકોમાં ઘણો જ લોકપ્રિય છે. આ શોમાં દરેકનો પોતાનો આગવો પરિવાર છે અને એકબીજાનું ધ્યાન રાખે છે અને એકબીજાના દુઃખો શૅર પણ કરે છે.
જોકે, હાલમાં જ શોના બે સ્ટાર એટલે કે ટપુસેનાના બે કલાકારો રિયલ લાઈફમાં ડેટ કરતાં હોવાની ચર્ચા છે. સોનુ અને ગોલી એકબીજાના પ્રેમમાં હોવાની ચર્ચા થઈ રહી છે. અલબત્ત, હાલમાં જ પલક સિધવાનીએ આ અંગે વાત કરી હતી.
કોરોનાકાળના કારણે સ્ટાર્સ અવાર-નવાર ફેસબુક પર લાઈવ થતા હોય છે. હાલમાં જ પલક સિધવાની લાઈવ થઈ હતી. આ લાઈવ સેશન દરમિયાન પલકના એક ચાહકે સવાલ કર્યો હતો કે તમે કુશ શાહ એટલે કે ડોક્ટર હાથીના દીકરા ગોલીને ડેટ કરો છો ને?
આ સાંભળીને પલકને થોડો ગુસ્સો આવી ગયો હતો અને તેણે કહ્યું હતું કે પાગલ થઈ ગયો છે કે શું? કુશ તેનો ઘણો જ સારો ફ્રેન્ડ છે. પલકની આ વાતથી સ્પષ્ટ થઈ ગયું કે ગોલી તથા સોનુ વચ્ચે અફેર હોવાની વાત માત્ર એક અફવા જ હતી.
ઉલ્લેખનીય છે કે ‘તારક મહેતા કા ઉલ્ટા ચશ્મા’માં સોનુ તથા ગોલી, ટપુ સેનાના મેમ્બર છે. માત્ર સીરિયલમાં જ નહીં પરંતુ રિઅલ લાઈફમાં પણ ખાસ ફ્રેન્ડ્સ છે. ટપુ સેનાના સભ્યો સાથે સમય પસાર કરતા હોય છે અને સોશિયલ મીડિયામાં પોસ્ટ પણ શૅર કરતાં હોય છે.
