એક તરફ કોંગ્રેસના ઉમેદવારનું નામાંકન રદ્દ થયું તો બીજી તરફ બસપાના ઉમેદવારે પોતાનું નામ પાછું ખેંચી લીધું. ગુજરાત ભાજપના પ્રદેશ પ્રમુખ સી.આર.પાટીલે તેમની જીત બદલ અભિનંદન પાઠવ્યા હતા.

મુકેશ દલાલને પણ વિજયનું પ્રમાણપત્ર મળ્યું છે. મુકેશ દલાલ સુરતમાં પાર્ટીનું જાણીતું નામ છે. તેઓ સુરત ભાજપના મહામંત્રી છે.

આપને જણાવી દઈએ કે સુરત સીટ પર કોંગ્રેસને મોટો ફટકો ત્યારે પડ્યો જ્યારે પાર્ટીના ઉમેદવાર નિલેશ કુંભાણીનું નોમિનેશન રદ્દ થયું. કોંગ્રેસનો આરોપ છે કે આ ભાજપના ઈશારે કરવામાં આવ્યું છે.

જ્યારે બીએસપીના પ્યારેલાલા ભારતીએ પોતાનું નામાંકન પાછું ખેંચ્યું હતું. આ ઉપરાંત તમામ ઉમેદવારોએ પણ ચૂંટણી મેદાનમાંથી પોતાના ઉમેદવારીપત્રો પાછા ખેંચી લીધા હતા. આ રીતે મુકેશ દલાલની જીતનો રસ્તો સાફ થઈ ગયો.

સીઆર પાટીલે મુકેશ દલાલની જીત પર ખુશી વ્યક્ત કરી હતી. તેણે સોશિયલ મીડિયા પર લખ્યું

સુરત બેઠક 1989થી ભાજપ જીતી રહી છે. ગુજરાત ભાજપનો ગઢ ગણાય છે. સુરત ઉદ્યોગની દૃષ્ટિએ મહત્વનું માનવામાં આવે છે.

ગુજરાતમાં લોકસભાની 26 બેઠકો છે. ગત ચૂંટણીમાં ભાજપે તમામ બેઠકો જીતી હતી. આ વખતે બાકીની 25 બેઠકો પર એક જ તબક્કામાં 7 મેના રોજ મતદાન થશે.