લખનઉ: કોરોના વાયરસના સંકટથી નિપટવા માટે દેશભરમાં લૉકડાઉન લાગૂ કરવામાં આવ્યું છે. જો કે દેશમાં રોજ લૉકડાઉનના ઉલ્લંઘનના મામલા પણ સામે આવ્યા છે. આ વચ્ચે ઉત્તર પ્રદેશમાં પાલતૂ શ્વાન માટે લૉકડાઉન તોડતા છોકરીઓ પોલીસ સાથે પણ ઝઘડો કરી બેઠી. મામલો ઉત્તર પ્રદેશના લખનઊનો છે. જ્યાં લોહિયા પથ પર આજે એક હાઈ વોલ્ટેજ ડ્રામા થયો. એક પ્રાઈવેટ કારમાં ત્રણ છોકરીઓ પોતાના પાલતુ શ્વાન સાથે નિકળી હત પરંતુ જ્યારે રસ્તામાં પોલીસ રોક્યા તો તેમણે પોલીસ સાથે બોલાચાલી કરી. ગાડી પર ભારતીય જનતા પાર્ટીનો ઝંડો પણ લાગેલો હતો.
પોલીસે રોક્યા બાદ રસ્તામાં ખૂબ જ ડ્રામા થયો. પોલીસકર્મી સાથે છોકરીઓની બોલાચાલી થઈ અને લૉકડાઉન તોડવા છતાં છોકરીઓ પોલીસ વાળા સાથે ભિડાયેલી રહી. ખરેખર, પોલીસકર્મીઓએ એક કારમાં 3 છોકરીઓને જોયું તો તેમને રોકયું પરંતુ તે ચોક પર ન રોકાઈ અને ઝડપથી આગળ વધી ગઈ. આગળના નાકા પર વાયરલેસ મેસેજ આવવા પર તેને રોકી લેવામાં આવ્યા. પોલીસે તેમને રોકી તેમની પાસેથી પાસ માંગ્યા.
ત્યાં એક ગાડીમાં 3 લોકોના હાજર હોવાનું કારણ પુછ્યું તો છોકરીઓ વિફરી પડી. છોકરીઓએ જણાવ્યું કે તેમનો શ્વાન બીમાર છે અને તે ડૉક્ટરને બચાવવા ગઈ હતી. જો કે પોલીસે પુછ્યું કે ત્રણ છોકરીઓને એક સાથે એક ગાડીમાં જવાની શું જરૂર હતી? તપાસમાં પોલીસને ખબર પડી કે ન તો ગાડીનો પાસ છે કે ન તો કોઈ પણ છોકરી પાસે વ્યક્તિગત પાસ.
રડવા લાગી છોકરીઓ
એવામાં પોલીસે ગાડીનું ચાલાન કાપવાનો પ્રયાસ કર્યો તો છોકરીઓએ ખૂબ જ હંગામો કર્યો. એક છોકરીએ કહ્યું કે તેમનો શ્વાન ખૂબ જ બીમાર છે અને જો તે તેને લઈને ન જાત તો તે મરી જાત. જો કે પોલીસ સતત તેમને પુછતી રહી કે તે ત્રણ લોકો કેમ નીકળ્યા અને છોકરીઓએ તેમને પેપર બતાવ્યા અને વધુ વાત વધવા પર તે રડવા લાગી.