મુંબઈ: દેશની આર્થિક રાજધાની મુંબઈમાં આવતા દિવસોમાં કોરોના વિસ્ફોટ થઈ શકે છે. આ જોતાં, સાવચેતીના પગલા તરીકે મુંબઇની સેંટ જ્યોર્જ અને ગુરુ તેગબહાદુર (જીટી) હોસ્પિટલને કોરોના હોસ્પિટલમાં બદલવામાં આવી છે. કોરોનાની સ્થિતિનું મૂલ્યાંકન કરવા મુંબઇ આવેલી કેન્દ્રીય ટીમનો અંદાજ છેકે, આગામી 30 મી એપ્રિલ સુધીમાં મહાનગરમાં ચેપી કોરોની સંખ્યા 42 હજાર સુધી પહોંચી શકે છે, જ્યારે 15 મે 2020 સુધીમાં આ સંખ્યા 6 લાખ 56 હજાર થઈ શકે છે. તો, રાજ્યના આરોગ્ય વિભાગનું કહેવું છે કે અમારા અનુમાન મુજબ આ આંકડો એક લાખ સુધી જઈ શકે છે.

કેન્દ્રીય ટીમનો આ અંદાજ નિષ્ણાંતોમાં ચર્ચાનો વિષય બની ગયો છે. એવું પણ કહેવામાં આવી રહ્યું છેકે, આટવા વધારે પોઝિટિવ હોવાનું અનુમાન લગાવીને કેન્દ્રીય ટીમે કોરોના વાયરસ સામે લડવા માટે રાજ્ય સરકારનાં પ્રયાસોની અવગણના કરી છે. જોકે, કોરોના સંકટને ધ્યાનમાં રાખીને કેન્દ્ર સરકારના અધિક સચિવ મનોજ જોશીની અધ્યક્ષતાવાળી પાંચ સભ્યોની ટીમ બે દિવસથી મુંબઈમાં છે. આ ટીમે બુધવારે ધારાવી વિસ્તારની પણ મુલાકાત લીધી હતી. આ સમયગાળા દરમિયાન રાજ્યના આરોગ્ય પ્રધાન રાજેશ ટોપે પણ હાજર હતા. આ પહેલા મંગળવારે કેન્દ્રીય ટીમે વરલી કોલીવાડા સહિતના કોરોના વાયરસ પ્રભાવિત વિસ્તારોની મુલાકાત લીધી હતી.

આરોગ્ય પ્રધાન ટોપે પણ આ સંખ્યામાં વધારો થવાનો ભય વ્યક્ત કર્યો
આ અગાઉ રાજ્યના આરોગ્ય પ્રધાન રાજેશ ટોપે પણ મુંબઈ-પુણેમાં કોરોના સંક્રમિતોની સંખ્યામાં વધારો થવાની સંભાવના વ્યક્ત કરી હતી. પરંતુ, મુખ્યમંત્રી કાર્યાલયનું કહેવું છે કે કેન્દ્રીય ટીમે આ સંદર્ભમાં અમને કોઈ ડેટા આપ્યો નથી. જ્યારે અંદરના અધિકારીઓ એમ પણ માની રહ્યા છે કે મુંબઈની ઝૂંપડપટ્ટીમાં કોરોના વાયરસનો ચેપ જે રીતે વધી રહ્યો છે તેને જોતા, કેન્દ્રિય ટીમના અંદાજના આધારે તૈયારીની જરૂર છે.

કેન્દ્રીય ટીમના અનુમાન મુજબ કામ કરે અધિકારીઓ
સૂત્રોના જણાવ્યા અનુસાર મુખ્યમંત્રી ઉદ્ધવ ઠાકરેએ મેયર બંગલા ખાતે યોજાયેલી બેઠકમાં અધિકારીઓને કેન્દ્રીય ટીમના અંદાજ પર ધ્યાન રાખવા સૂચના પણ આપી છે. આ આંકડો અમારા અનુમાન કરતા વધારે ભલે છે, તો પણ તે હેઠળ કાર્ય કરો. તો, એક અધિકારીએ કહ્યું કે અમે કેન્દ્રિય ટીમના અંદાજને નકારી રહ્યા નથી. પરંતુ જો ઝૂંપડપટ્ટીમાં અંતર રાખવાના નિયમનું પાલન કરવામાં આવે તો, અંદાજિત આંકડાઓ નિયંત્રિત કરી શકાય છે. મુખ્ય સચિવ મનીષ મ્હેસ્કરે કહ્યું કે જીટી અને સેન્ટ જ્યોર્જ હોસ્પિટલને મુખ્યમંત્રીની સૂચનાથી કોવિડ હોસ્પિટલો બનાવવામાં આવી છે.

આ આંકડા ક્યાંથી આવ્યા?
કેબિનેટ મંત્રી છગન ભુજબલે મુંબઈના સાડા છ લાખથી વધુ લોકોને કોરોના ચેપ હોવાના દાવાને નકારી દીધો છે. તેમણે કહ્યું કે આ આંકડો ક્યાંથી આવ્યો છે. તેની તપાસ થવી જોઈએ. ભુજબલે કહ્યું કે મુંબઈની વસ્તી 1.5 કરોડ છે. આવી સ્થિતિમાં, અત્યાર સુધીમાં કોરોના સંક્રમણનાં આંકડા સામે આવ્યા છે. તે હિસાબથી મુંબઈમાં કોરોના સંક્રમણની ભવિષ્યવાણી વધારીને કહેવામાં આવી છે.