ગુના, મધ્ય પ્રદેશ: લુટેરી દુલ્હનના કિસ્સાઓ તો તમે ઘણા સાંભળ્યા હશે. લુટેરી દુલ્હનો ખૂબ જ ચાલાકીથી પોતાના શિકારને ફસાવે છે. ક્યારેક કોઈને અનાથ હોવાની વાત કહીને ઈમોશનલી બ્લેકમેઈલ કરે છે, તો ક્યારેક વૃદ્ધોને પ્રેમની જાળમાં ફસાવે છે, પરંતુ આ મામલામાં લુટેરી દુલ્હનની દાળ ન ગળી. લુટેરી દુલ્હનની એક ભૂલ તેના પર ભારે પડી ગઈ. હવે તે જેલમાં છે. મામલો ફતેહગઢ પોલીસ સ્ટેશન વિસ્તારના કલૌરા ગામનો છે. અહીં રહેતા 24 વર્ષના માખન ધાકડીના લગ્ન થવા જઈ રહ્યા હતા. આ વચ્ચે તેના હાથમાં દુલ્હનનો મોબાઈલ આવી ગયો. તેણે એમ જ મોબાઈલ જોયો, તો તેમાં એક વીડિયો એવો જોવા મળ્યો કે તેના પગ નીચેથી જમીન ખસી ગઈ. તે વીડિયો તેની જ દુલ્હનના આગળના લગ્નનો હતો. જેમાં કોઈ યુવક તેની માંગમાં સિંદૂર ભરી રહ્યો હતો. હંગામો વધ્યો તો, પોલીસ બોલાવવામાં આવી. ખબર પડી કે માખન જેની સાથે લગ્ન કરવા જઈ રહ્યો હતો તે લુટેરી દુલ્હન છે. જોકે મોકો જોઈને દલાલ ત્યાંથી ભાગી નીકળ્યો. દુલ્હન સાથે તેના નકલી કાકા અને દીકરો પણ હતો. ફતેહગઢ થાનાના પ્રભારી ગજેન્દ્ર સિંહ બુંદેલાએ જણાવ્યું કે યુવતીને કોર્ટમાં રજૂ કર્યા બાદ જેલમાં મોકલી દેવામાં આવી છે. બાકી આરોપીઓની ધરપકડ માટે ટીમ લગાવવામાં આવી છે. વાંચો આખો મામલો…

માખનના લગ્ન માટે ફતેહગઢનો એક યુવક કેવલ અહિરવાર માગું લઈને આવ્યો હતો. જો કે તેના બદલામાં તેણે 80 હજાર માંગ્યા. અનુમતિ મળતા માખનના પરિવારજનો સાથે પોતાના બે સાથીઓ હેમંત પાટિલકર અને તેના પુત્ર નવીન પાટિલકરની મુલાકાત કરાવી. ત્રણેય 24 જૂને માખનના ઘરે પહોંચ્યા. 28 જૂનના દિવસે લગ્ન નક્કી કરવામાં આવ્યાં. અશોકનગરમાં લગ્ન કરવાનું નક્કી કરવામાં આવ્યું. 28 જૂને અચાનક ફોન આવ્યો કે દુલ્હનના મામાનું નિધન થઈ ગયું છે, એટલે લગ્ન ટાળવા પડશે, જે બાદ પૈસા લઈને 1 જૂને લગ્ન નક્કી કર્યા. 1 જૂનના દિવસે ફરીથી લગ્ન નક્કી કરવામાં આવ્યા. પરંતુ આ વચ્ચે જ માખનને શંકા ગઈ અને મોબાઈલમાં મળેલા વીડિયોએ દુલ્હનની પોલ ખોલી નાખી. આગળ વાંચો લુટેરી દુલ્હનની અન્ય કહાનીઓ..

આ મામલો મધ્યપ્રદેશના ભિંડમાં સામે આવ્યો હતો. 23 ડિસેમ્બર, 2019ના અટેરમાં રહેતા ભગવતી તિવારીના દીકરા રુપેન્દ્રની સગાઈ ગોહદના પરમાલની દીકરી ભાવના સાથે નક્કી થઈ હતી. જેમના પુરા રીતિ-રિવાજ સાથે 16 જાન્યુઆરી, 2020ના લગ્ન કરાવવામાં આવ્યા. દુલ્હાના ઘરના લોકોએ ઘરે પહોંચીને દુલ્હનનો ઘૂંઘટ ઉઠાવ્યો તો તેઓ આશ્ચર્યમાં પડી ગયા. કારણ કે તેમણે જે યુવતી સાથે સગાઈ કરી હતી, તે દુલ્હન બનીને નહોતી આવી. તેની જગ્યાએ બીજી જ કોઈ છોકરી હતી. પોલીસની પૂછપરછમાં છોકરીએ જણાવ્યું કે તે કોલકાતાની રહેવાસી હતી. તેના બૉયફ્રેન્ડે દગો કરાવીને આ લગ્ન નક્કી કરાવ્યા હતા. આગળ વાંચો 77 વર્ષના બુઝુર્ગને લુટેરી દુલ્હને પ્રેમજાળમાં ફસાવ્યા.

આ મામલો છત્તીસગઢના બિલાસપુરમાં સામે આવ્યો હતો. ઘડપણમાં લગ્ન કરવાની સનક 77 વર્ષના એક શખ્સને મોંઘી પડી ગઈ. તેણે જાહેરાત આપી. જે જોઈને 45 વર્ષની એક મહિલા સામે આવી. તેણે બુઝુર્ગ સાથે મળીને લગ્ન કરવાની ઈચ્છા વ્યક્ત કરી. 4 ડિસેમ્બરે મુખ્યમંત્રી વિધવા અને પરિત્યક્તા યોજના અંતર્ગત તેમના લગ્ન થયા. થોડા-થોડા દિવસો કરીને દુલ્હન પતિ સાથે રહી અને એક દિવસ 40 લાખનો સામાન લઈને ફરાર થઈ ગઈ. પીડિતે જ્યારે તપાસ કરી તો ખબર પડી કે, તે લુટેરી દુલ્હન 1-2 નહીં, 10 લોકોને આવી રીતે ઠગી ચુકી છે. આ વખતે ઠગીનો શિકાર બનેલા સરકંડાના એમએલ પસ્ટારિયા, જે ખાદ્ય અને નાગરિક આપૂર્તિ વિભાગના નિવૃત અધિકારી હતા. આગળ વાંચે પટિયાલાની લુટેરી દુલ્હન વિશે.

આ લુટેરી દુલ્હન પંજાબના પટિયાલામાં સામે આવી હતી. જેનો પર્દાફાશ ચોથા લગ્ન બાદ થયો હતો. નાભાના સમલા ગામમાં રહેતા જગદીપ સિંહે 2018માં મનપ્રીત કૌર સાથે લગ્ન કર્યા હતા. મનપ્રીત ડેરાબસ્સીના ડકૌલી ગામમાં રહેતી હતી. પરંતુ 15 દિવસ બાદ બંને વચ્ચે ઝઘડો થવા લાગ્યો. પતિએ પોલીસના ચક્કરથી બચવા માટે એક લાખ રૂપિયામાં સોદો કર્યો અને પોતાના પીછો છોડાવ્યો. પરંતુ જગદીપને મનપ્રીતની નિયત પર શક થયો. તેણે જ્યારે જાસૂસી કરી તો, ખબર પડી કે મનપ્રીત એક લુટેરી દુલ્હન છે. બાદમાં પોલીસ તપાસમાં સામે આવ્યું હતું કે આ દગાબાજીમાં આખો પરિવાર સામેલ રહેતો હતો. આગળ વાંચો હરિદ્વારની કહાની…

આ મામલે ઉત્તરાખંડના હરિદ્વારમાં સામે આવ્યો હતો. પોલીસે એક એવી લુટેરી દુલ્હનની ધરપકડ કરી હતી, જે પોતાના પતિના ઈશારા પર લગ્ન કરતી હતી. બંને ખુદ ભાઈ-બહેન તરીકે સામે આવતા હતા. તેમું સાચું નામ અંજલિ અને મહાવીર છે. અંજલિ પોતાનું નામ બદલીને એટલે કે પૂજા બનીને ચંડીગઢના યુવકને મળી હતી. જે બાદ બંનેએ 18 ડિસેમ્બર, 2019ના લગ્ન કરી લીધા હતા. જે બાદ બંને હરિદ્વાર આવ્યા હતા. બંને એક હોટેલમાં રોકાયા હતા. જે બાદ અંજલિ મોકો જોઈને 50 હજાર રૂપિયા અને ઘરેણા લઈને ભાગી ગઈ હતી. આગળ વાંચો કડવાચોથ પર ભાગી લુટેરી દુલ્હન.

આ મામલો રાજસ્થાનના જોધપુરમાં સામે આવ્યો હતો. વિક્રમાદિત્ય વિસ્તારમાં રહેતા વિજયના લગ્ન એપ્રિલ 2019માં પાલી જિલ્લાની લલિતા સાથે થયા હતા. લગ્ન બાદ બધુ સરખું હતું. પરંતુ કડવાચોથ પર બધુ વેરવિખેર થઈ ગયું. ઘરેથી ઘરેણા વગેરે લઈને ભાગ્યા બાદ લલિતાએ પ્રેમી સાથે પોતાનો ફોટો સોશિયલ મીડિયા પર વાયરલ કર્યો. જેમાં તેણે વિજયને સંબોધિત કરીને એ શખ્સને પોતાનો પતિ ગણાવ્યો. જો કે સામે આવ્યું છે કે લલિતા પહેલા પણ બે લગ્ન કરી ચુકી હતી.(નોંધ- આ તસવીર લલિતા અને વિજયની છે)