રસ્તા પર ટ્રાફિક જામ થવો સામાન્ય બાબત છે. તમે ઘણી વખત ટ્રાફિક જામમાં ફસાયા હશો. મોટા શહેરોમાં ભારે ટ્રાફિકને કારણે વાહનો રસ્તા પર થંભી જાય છે એ સામાન્ય બાબત છે. પરંતુ, શું તમે ક્યારેય સાંભળ્યું છે કે કોઈ ટ્રેન પણ ટ્રાફિક જામમાં ફસાઈ ગઈ હોય. કદાચ સાંભળ્યું ન હોય. હાલમાં સોશિયલ મીડિયા પર ફસાયેલી ટ્રેનનો વીડિયો હાલ ખૂબ વાયરલ થઈ રહ્યો છે. સોશિયલ મીડિયા યુઝર્સ આના પર ખૂબ જ ફની કોમેન્ટ કરી રહ્યા છે. એક યુઝરે તો ટ્રાફિક પોલીસકર્મીને ટ્રેનનું મેમો કાપવાની સલાહ પણ આપી હતી.
ઉત્તર પ્રદેશના બનારસમાં રેલવે ક્રોસિંગ પર વાહનોની લાંબી લાઈનો લાગી ગઈ હતી. દરમિયાન ટ્રેન પણ ત્યાં આવી પહોંચી હતી. પરંતુ, રેલ્વે ટ્રેક ક્રોસ કરતી કારને કારણે લોકો પાયલોટે ટ્રેન રોકવી પડી હતી. ટ્રેન લાંબા સમય સુધી જવાનો રસ્તો શોધી શકી ન હતી અને ટ્રાફિક જામ ખુલવાની રાહ જોવાની ફરજ પડી હતી.
ટ્રેન જામમાં ફસાયેલી હોવાનો વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયો X (Twitter) પર @erbmjha નામના હેન્ડલથી શેર કરવામાં આવ્યો છે. અત્યાર સુધી હજારો લોકો આ વીડિયોને જોઈ અને શેર કરી ચૂક્યા છે. ટ્વિટર યુઝર્સ આ વીડિયો પર ફની કોમેન્ટ્સ પણ કરી રહ્યા છે.
રેલ્વે ફાટક પર ગાડીઓની લાંબી લાઈનો છે અને ગાડીઓ ધીમે ધીમે રેલ્વે ટ્રેક ક્રોસ કરી રહી છે. ત્યાં એક ટ્રેન પણ પાટા પર ઉભી જોઈ શકાય છે. રેલ્વે ટ્રેક પર કાર આવતી અટકાવવા માટે લોકો પાયલટ ઘણા હોર્ન વગાડે છે. પરંતુ, આમ કર્યા પછી પણ કાર સતત ગેટ ક્રોસ કરી રહી છે. તે પછી ટ્રાફિક પોલીસ જામ હટાવવાનો પ્રયાસ કરે છે. એક યુઝરે લખ્યું, ‘આ ફક્ત ભારતમાં જ થાય છે.’ જ્યારે બીજા યુઝરે લખ્યું, ‘ટ્રેનને પણ મેમો આપો, એક યુઝરે લખ્યું, ‘વેલકમ ટુ બનારસ’.
