અમદાવાદઃ વર્ષ 2020નો બીજો મહિનો એટલે કે ફેબ્રુઆરી શરૂ થઈ ગયો છે. જો તમે જાણવા માગતા હોવ કે આ વર્ષના બાકીના આઠ મહિના કઈ રાશિઓ પર ધનનો વરસાદ થશે, તો આ આર્ટિકલ તમારા માટે મહત્વનો છે. જ્યોતિષશાસ્ત્રના મતે, આ વર્ષે પાંચ રાશિઓ એવી છે, જેની પર ધનનો ઢગલો થવાનો છે. આજ આપણે આ પાંચ રાશિઓ અંગે વાત કરીશું.
મેષઃ વર્ષ 2020માં આ રાશિના જાતકોનો આર્થિક પક્ષ સ્ટ્રોંગ બનશે તો નોકરી-વેપાર કરતા લોકોની આવકમાં અચાનક વધારો થશે. પરિવારના સ્વાસ્થ્ય પાછળ ધન ખર્ચાઈ શકે છે. જો કોઈ પણ પ્રકારનું આર્થિક સંકટ આવશે તો સહજતાથી તેમાંથી બહાર નીકળી શકશો.
કન્યાઃ આ રાશિના જાતકો માટે 2020 ઘણું જ સારું છે. તમે આ વખતે સારી એવી બચત કરી શકશો. નવું વાહન કે પછી ઘર ખરીદી શકશો. સંબંધીઓ તમારી પાસે પૈસાની આશા રાખશે અને તમે તેમની આશા પર ખરા ઉતરશો.
વૃશ્ચિકઃ આ રાશિના જાતકોને નાણાકીય લાભ મળશે. આવકના સ્ત્રોતમાં વધારો થશે. જો તમે કોઈ પાસે ઉધાર પૈસા લીધા હશે તો આ વર્ષે દેવું ચૂકવાઈ જશે. કોઈ મોટો આર્થિક નિર્ણય લેવાના હોવ તો વડીલની સલાહ લો.
કુંભઃ વર્ષ 2020 શુભ સંકેતો આપી રહ્યું છે. તમારી આવકમાં તો વૃદ્ધિ થશે જ પરંતુ એકથી વધુ આવકના સ્ત્રોત બનશે. જૂનથી નવેમ્બર સુધી આર્થિક નિર્ણયો લેવામાં કોઈ અડચણ આવશે નહીં. આર્થિક રીતે દરેક મનોકામના પૂર્ણ પૂરી થશે.
મીનઃ આર્થિક રીતે આ રાશિના જાતકો માટે 2020 લાભદાયી છે. આ વર્ષે તમે લાંબાગાળાનું રોકણ કરી શકશો. જે ધન અટવાયેલું હશે તે આ વર્ષે મળી જશે. વિદેશ વેપારથી સારો એવો નફો કમાવી શકશો.