પુલવામાઃ સુરક્ષા દળોએ આતંક વિરોધી કાર્યવાહી ચાલુ રાખતા, દક્ષિણ કાશ્મીર જિલ્લાના પુલવામામાં વાયલૂ, રાજપોરામાં એક આતંકી ઠેકાણા પર હુમલો કર્યો. તમને જાણીને આશ્ચર્ય થશે કે આ અડ્ડો મહેસૂલ વિભાગમાં નાયબ મામાલતદાર કક્ષાના અધિકારીની દુકાન હેઠળ બનાવવામાં આવ્યો હતો. પોલીસે નાયબ મામલતદાર નઝીર અહેમદ વાની સામે પણ ગુનો નોંધ્યો છે. નઝીરનો ભાઈ એક આતંકી હતો જે 1996 માં સુરક્ષા દળો સાથેના એન્કાઉન્ટરમાં માર્યો ગયો હતો. આટલું જ નહીં, પરંતુ એક અન્ય નજીકનો સબંધી લિયાકત પણ એક પ્રખ્યાત હિઝ્બનો આતંકવાદી હતો, જેની બે વર્ષ પહેલા હત્યા કરાઈ હતી.
પોલીસે જણાવ્યું હતું કે વિશ્વસનીય સૂત્રોએ તેમને માહિતી આપી હતી કે આતંકવાદીઓએ એક ઠેકાણું અવંતીપોરની સાથે જ આવેલાં વાયસૂ રાજપોરામાં બનાવી રાખ્યુ છે. તે જ સમયે પોલીસે સીઆરપીએફ અને આર્મીના જવાનો સાથે મળીને સમગ્ર વિસ્તારને ઘેરી લેતા સર્ચ ઓપરેશન હાથ ધર્યું હતું. આ સમય દરમિયાન, વાઈલુ ગામની એક દુકાનમાં એક આતંકવાદી અડ્ડો મળી આવ્યો હતો. આ દુકાન નાયબ મામલતદારની દુકાન હેઠળ બનાવવામાં આવી હતી.
જોકે, સ્થળેથી કોઈ હથિયાર મળ્યા નહોતા અને દાવો કરવામાં આવી રહ્યો છે કે આ અડ્ડો આતંકીઓએ ઘણા સમય પહેલા છોડી દીધો હતો. સ્થાનિક સૂત્રોના જણાવ્યા અનુસાર, આ જગ્યા એક સરકારી અધિકારીની દુકાન હેઠળ બનાવવામાં આવી હતી,જે નાયબ મામલતદાર છે. પોલીસે તેની વિરુદ્ધ ગુનો નોંધી તપાસ શરૂ કરી છે.
આતંકીઓની શોધખોળ માટે સર્ચ ઓપરેશન: રાજપોરાને અડીને આવેલા મલંગપોરામાં રાત્રે 10 વાગ્યાની આસપાસ આતંકવાદીઓ દેખાયા હોવાના સમાચાર મળતા જ સુરક્ષા દળોએ ઘેરાબંધી અને સર્ચ ઓપરેશન હાથ ધર્યું હતું. મલંગપોરા ગામ હિઝબના પ્રખ્યાત કમાન્ડર ડો.સૈફુલ્લાહ ઉર્ફે સૈફનું ગામ છે.
સુરક્ષાદળો દ્વારા 10 મોસ્ટ વોન્ટેડ આતંકીઓની યાદીમાં તે પ્રથમ ત્રણ આતંકવાદીઓમાંનો એક છે. ડો.સૈફ વિશે એવું કહેવામાં આવે છે કે રિયાઝ નાઈકુની હત્યા પછી હિઝબે તેમને આગામી કમાન્ડર બનાવ્યો છે. દરમ્યાનમાં શ્રીનગરના રામબાગ વિસ્તારમાં મોડીરાત્રે બાતમી મળતાં સુરક્ષા દળોએ ઘેરાબંધી કરીને સર્ચ ઓપરેશન હાથ ધર્યું હતું.
