15 જાન્યુઆરીએ સૂર્ય મકર રાશિમાં પ્રવેશ કરશે, આ રાશિઓના જીવનમાં હશે બસ પૈસા જ પૈસા
અમદાવાદઃ સૂર્ય 15 જાન્યુઆરીના રોજ પોતાના શત્રુ ગ્રહ શનિની રાશિ મકરમાં ગોચર કરશે. સૂર્યને જ્યોતિષની આત્મા, સરકારી નોકરી, ઉચ્ચ પદ, પ્રતિષ્ઠા, માન-સન્માન, લીડરશિપ વગેરેનો કારક માનવામાં આવે છે. આ તુલા રાશિમાં નીચનો તથા મેષ રાશિમાં ઉચ્ચનો છે. સિંહા રાશિનો આ સ્વામી છે. સૂર્યના ગોચરને સંક્રાંતિના નામથી ઓળખવામાં આવે છે. આથી 15 જાન્યુઆરીએ મકરસંક્રાંતિ છે. સૂર્યનું આ ગોચર કેટલીક રાશિને ફાયદો તો કેટલીક રાશિને નુકસાન કરાવશે.
- મેષઃ સૂર્યનું આ ગોચર તમારા માટે લાભદાયી છે. તમારા કાર્યક્ષેત્રમાં સફળતા મળશે. જો તમે નોકરી કરતા હશે તો ઉચ્ચ પદની પ્રાપ્તિ અથવા પ્રમોશન થશે.
- વૃષભઃ પિતાજીની તબિયત બગડી શકે છે અથવા તેમની સાથે ઉગ્ર મતભેદો થશે. આ સમય દરમિયાન આવકમાં ઘટાડો થશે પરંતુ આ આવનારા સમયમા મોટો ધનલાભ થવાનો ઈશારો છે.
- મિથુનઃ એવું કોઈ કામ ના કર્યો કે તમારી ઈમેજને નુકસાન થાય. તમે કાનૂન વિરુદ્ધ કામ કર્યું તો તમને દંડ થઈ શકે છે. શત્રુઓ સાથે ઝઘડા થશે. આ ઉપરાંત ઉધરસ તથા અન્ય બીમારી થાય તેવી શક્યતા છે.
- કર્કઃ લગ્નજીવનમાં મુશ્કેલી આવી શકે છે. તમારા જીવનસાથીની તબિયત ખરાબ થઈ શકે છે. જોકે, આ સમય દરમિયાન ધન સંબંધી કોઈ મુશ્કેલી આવશે નહીં. મિત્રો તથા પરિવારના સભ્યો સાથે મતભેદ થવાની શક્યતા છે.
- સિંહઃ આ ગોચર તમને સારું પરિણામ આપશે. સરકારી નોકરીની તૈયારી કરતાં લોકોને સફળતા મળી શકે છે. વિરોધીઓ તમારી આગળ ફાવશે નહીં અને કોર્ટ-કચેરીમાં સફળતા મળશે.
- કન્યાઃ મનમાં બેચેની રહેશે. મિત્રો સાથે મનભેદ થવાની શક્યતા છે. સંતાનને શારીરિક કષ્ટ થશે. વિદ્યાર્થી હશો તો અભ્યાસમાં સફળતા મળશે.
- તુલાઃ પરિવારમાં ક્લેશ થઈ શકે છે. માતાની તબિયત બગડી શકે છે. તમારે કારણે ઘરમાં ઝઘડો થાય તેવી શક્યતા છે.
- વૃશ્ચિકઃ તબિયત સારી રહેશે. તમારા પ્રયાસોનું પૂરતું પરિણામ મળશે. ભાઈ-બહેનોને મુશ્કેલી પડી શકે તેમ છે. તમારા સાહસ તથા પરાક્રમમાં વૃદ્ધિ થશે. જૂનો રોગ મટી જાય તેવી સંભાવના છે.
- ધનઃ ભાષામાં સંયમ રાખો, કર્કશતાને કારણે તમને મુશ્કેલી પડી શકે છે. પરિવારમાં વિવાદ થશે અને તમને માથાનો દુખાવો તથા આંખની બીમારી થઈ શકે છે.
- મકરઃ તબિયત નાજુક રહેશે. પેટ સંબંધિત રોગ, તાવ વગેરે થવાની સંભાવના છે અને આ સમય દરમિયાન માનસિક ચિંતામાં વધારો થશે. જોકે, તમારે ચિંતા કરવાની જરૂર નથી. ધીરજ રાખવી અને આ પરિસ્થિતિઓનો મક્કમ મનથી સામનો કરી શકશો.
- કુંભઃ કોઈ કારણથી તમે પરિવારથી દૂર જઈ શકો છો. પતિ કે પત્ની સાથેના સંબંધોમાં તણાવ આવશે. તબિયત નરમ-ગરમ રહેશે. ખર્ચો વધશે.
- મીનઃ લાભની પ્રાપ્તિ થશે. બોસ તમારા પક્ષમાં રહેશે અને તમને આર્થિક તથા સામાજિક લાભ મળશે. તમારા મોટા ભાઈ-બહેનનો સાથ મળશે અને અપેક્ષાઓ પૂરી થશે.