કોરોના વેક્સિન પર આ દેશે મારી બાજી, રસીના તમામ ટ્રાયલ કર્યાં સફળતાપૂર્વક પુર્ણ
રશિયાએ કોરોના વેક્સિન પર બાજી મારી દીધી છે. રશિયાની સેચેનોવ યુનિવર્સિટીએ દાવો કર્યો છે કે તેણે કોરોના વાયરસ માટેની રસી તૈયાર કરી છે. યુનિવર્સિટીનું કહેવું છે કે રસીના તમામ ટ્રાયલ સફળતાપૂર્વક પુરા થઈ ગયા છે. જો આ દાવો સાકાર થયો, તો તે કોરોના વાયરસ માટેની પહેલી રસી હશે. આ સાથે રશિયાએ વિશ્વમાં કોરોના વાયરસનો કાટ પણ રશિયાએ શોધી કાઢ્યો છે. જો કે, યુએસ સહિત વિશ્વના ઘણા વિકસિત દેશો કોરોના પર રસી તૈયાર કરવામાં વ્યસ્ત છે. ઘણા ટ્રાયલનાં તબક્કે નિષ્ફળ ગયા છે, પરંતુ રશિયાએ તે રસીને સફળ ગણાવીને પ્રથમ બાજી જીતી લીધી છે.
રસીનું પરીક્ષણ 18 જૂનથી શરૂ થયું હતું
ઇન્સ્ટિટ્યૂટ ફોર ટ્રાન્સલેશનલ મેડિસિન એન્ડ બાયોટેકનોલોજીના ડિરેક્ટર વાદિમ તારાસોવે કહ્યું કે યુનિવર્સિટીએ રશિયાની ગેમલી ઇન્સ્ટિટ્યૂટ ઓફ એપીડેમિયોલોજી અને માઇક્રોબાયોલોજી દ્વારા 18 જૂનથી બનાવેલી રસીનું પરીક્ષણ શરૂ કર્યું હતું. તારાસોવે કહ્યું કે સેચેનોવ યુનિવર્સિટીએ વિશ્વના પ્રથમ રસી સ્વયંસેવકો પર કોરોનોવાયરસ સામે સફળતાપૂર્વક પરીક્ષણો પૂર્ણ કર્યા છે.
રસી ટૂંક સમયમાં બજારમાં ઉપલબ્ધ થશે
સેચેનોવ યુનિવર્સિટીમાં ઈન્સ્ટીટ્યૂટ ઓફ મેડિકલ પેરાસિટોલોજી, ટ્રોપિકલ એન્ડ વેક્ટર બોર્ન ડિસિઝના ડાયરેક્ટર એલેક્ઝાન્ડર લુકાશેવ મુજબ આ આખા અભ્યાસનો ઉદ્દેશ્ય માનવ સ્વાસ્થ્યની સુરક્ષા માટે કોવિડ-19ની રસીને સફળતાપૂર્વક તૈયાર કરવાનું હતુ. લુકાશેવે સ્પુતનિકે કહ્યું કે રસીના તમામ પાસાઓની સલામતી માટે તપાસ કરવામાં આવી છે. તેમણે કહ્યું કે, ટૂંક સમયમાં તે લોકોની સલામતી માટે બજારમાં ઉપલબ્ધ થશે.
દવાઓ અને જટિલ ઉત્પાદનોનાં નિર્માણમાં પણ સક્ષમ છે સેચેનોવ
તારાસોવેએ કહ્યું કે સેચેનોવ યુનિવર્સિટીએ માત્ર એક શૈક્ષણિક સંસ્થા તરીકે જ નહીં, પણ વૈજ્ઞાનિક અને ટેક્નોલોજી સંશોધન કેન્દ્ર તરીકે પણ પ્રશંસનીય કાર્ય કર્યું છે. તે રોગચાળાની સ્થિતીમાં દવાઓ જેવા મહત્વપૂર્ણ અને જટિલ ઉત્પાદનોના નિર્માણ માટે પણ સક્ષમ છે. તેમણે કહ્યું કે અમે કોરોના રસીથી કામ કરવાનું શરૂ કર્યું. તેમણે કહ્યું હતું કે, ટ્રાયલમાં સ્વયંસેવકોના બીજા જૂથને 20 જુલાઈએ રજા આપવામાં આવશે.
અમેરિકાના મોડર્નાએ પણ જાહેરાત કરી
એક અમેરિકન કંપની, મોડર્નાએ દાવો કર્યો છે કે તે ટૂંક સમયમાં કોરોના રસી તૈયાર કરશે. મોડર્નાનું કહેવું છે કે આ રસીને કારણે કોઈ પણ વ્યક્તિમાં કોરોના ચેપનું સંક્રમણ થઈ શકતું નથી, કારણ કે તેમાં કોરોના વાયરસ હાજર હોતા નથી. 18 મેના રોજ, મોડર્નાએ જાહેરાત કરી હતી કે ફેઝ -1 ટ્રાયલમાં પરિણામ પોઝીટીવ બહાર આવ્યા છે.
mRNA-1273 રસીને યુ.એસ.ની નેશનલ ઇન્સ્ટિટ્યૂટ ઓફ હેલ્થ અને મોડર્ના કંપની દ્વારા વિકસાવવામાં આવી છે. મોડર્નાએ તેની રસી વિશે એવું પણ કહ્યું હતું કે રસીનો ફેઝ-3 સ્ટડી જુલાઈથી શરૂ થશે. ત્રીજા રાઉન્ડમાં 30 હજાર લોકોને રસી ડોઝ આપવાની યોજના છે.
