મુંબઇઃ બોલિવૂડ એક્ટ્રેસ આલિયા ભટ્ટ 27 વર્ષની થઇ ગઇ છે. 15 માર્ચ 1993ના રોજ મુંબઇમાં જન્મેલી આલિયાએ બાળ કલાકાર તરીકે ફિલ્મ ‘સંઘર્ષ’થી કરિયરની શરૂઆત કરી હતી. જોકે, લીડ એક્ટ્રેસ તરીકે તે 2012માં આવેલી ફિલ્મ ‘સ્ટૂડન્ટ ઓફ ધ યર’માં જોવા મળી હતી. આ ફિલ્મ બાદ આલિયાએ ‘હાઇવે’, ‘2 સ્ટેટ્સ’, ‘હમ્પ્ટી શર્મા કી દુલ્હનિયા’, ‘ઉડતા પંજાબ’, ‘ડિયર જિંદગી’, ‘બદ્રીનાથ કી દુલ્હનિયા’, ‘રાજી’ અને ‘ગલી બોય’ જેવી હિટ ફિલ્મોમાં કામ કરી ચૂકી છે. પ્રોફેશનલ લાઇફથી અલગ પર્સનલ લાઇફની વાત કરીએ તો સેલિબ્રિટી નેટવર્થ ડોટકોમ વેબસાઇટના રિપોર્ટ અનુસાર, તેમની પાસે 10 મિલિયન ડોલર એટલે કે લગભગ 74 કરોડ રૂપિયાની પ્રોપર્ટી છે.

આલિયા ભટ્ટ પાસે 22 કરોડ રૂપિયાના ત્રણ લક્ઝરી ઘર છે. મુંબઇ પાસે જૂહુમાં એક શાનદાર ઘર છે. લગભગ 2300 વર્ગફિટમાં ફેલાયેલા અને ફર્સ્ટ ફ્લોરના આ ઘરની કિંમત 13.11 કરોડ રૂપિયા છે.

આલિયાએ આ ઘર બેગણી કિંમત આપીને ખરીદ્યું હતુ. વાસ્તવમાં આ ઘરની વાસ્તવિકકિંમત 7.86 કરોડ રૂપિયા છે પરંતુ આલિયાએ આ માટે ડબલ પેમેન્ટ કર્યું છે.

રિપોર્ટ અનુસાર આલિયાએ ઘર માટે 65 લાખ રૂપિયાની સ્ટેમ્પ ડ્યૂટી પણ ભરી હતી. આલિયાએ એપાર્ટમેન્ટ સાથે બે પાર્કિગ એરિયા પણ એલોટ કરવામાં આવ્યા છે.

રિપોર્ટ અનુસાર, આલિયાએ બોલિવૂડ કરિયર બાદ આ પ્રોપર્ટીમાં ત્રીજું રોકાણ છે. આ અગાઉ તેણે 2015માં આ સોસાયટીમાં અનુપમ ખેરના પણ બે ફ્લેટ છે. જેમાં એકની કિંમત 5.16 કરોડ જ્યારે બીજાની કિંમત 3.83 કરોડ છે. આલિયાના આ ઘરને ડિરેક્ટર વિકાસ બહલની પત્ની રિચા બહલે ડિઝાઇન કર્યું છે.

આલિયા ભટ્ટે માર્ચ 2015માં એક બ્લેક ઓડી એ6 કાર ખરીદી હતી. જેની કિંમત 55 લાખ રૂપિયા છે. તેની કારનો નંબર જન્મદિવસની ડેટની સમાન છે. ગાડીનો નંબર MH-02 DW 1500 છે. તે સિવાય આલિયા પાસે ઓડી ક્યૂ, Range Rover Evoque (70 લાખ ), બીએમડબલ્યૂ 7 (1.32 કરોડ) કાર પણ છે. આલિયા મોટેભાગે Hermes અને Kelly બ્રાન્ડ્સની બેગ કેરી કરે છે. આ બેગ્સની કિંમત લગભગ પાંચ લાખ રૂપિયા છે.

મીડિયા રિપોર્ટ્સ અનુસાર, આલિયાને જાહેરખબરોથી વાર્ષિક 3.6 કરોડ રૂપિયા એટલે કે દરરોજના એક લાખ રૂપિયા કમાણી થાય છે. આલિયા પાસે કોકાકોલા, સ્ટાન્ડર્ડ ફેન, ફિલિપ્સ, કાર્નેટો, ગોર્નિયર, મેક માય ટ્રિપ, અને ફ્રૂટી જેવી બ્રાન્ડ છે. આલિયાએ લગભગ છ કરોડ રૂપિયાનું પર્સનલ ઇન્વેસ્ટમેન્ટ પણ કર્યું છે.

આલિયા ‘હાઇવે’, ‘2 સ્ટેટ્સ’, ‘હમ્પ્ટી શર્મા કી દુલ્હનિયા’, ‘ઉડતા પંજાબ’, ‘ડિયર જિંદગી’, ‘બદ્રીનાથ કી દુલ્હનિયા’, ‘રાજી’ અને ‘ગલી બોય’ જેવી હિટ ફિલ્મોમાં કામ કરી ચૂકી છે

આલિયા સડક-2, ગંગૂબાઇ કાઠિયાવાડી, બ્રહ્માસ્ત્ર અને RRR જેવી ફિલ્મોમાં જોવા મળશે.

મીડિયા રિપોર્ટ્સ અનુસાર, આલિયા આ વર્ષેના અંતમાં રણબીર કપૂર સાથે લગ્ન કરી શકે છે.