શું તમે ક્યારેય કોઈ મહિલાના બે ગર્ભ વિશે સાંભળ્યું છે? કેલી ફેયર હર્સ્ટ દુનિયાની પહેલી એવી મહિલા છે જેના પેટમાં બે ગર્ભ છે અને બંનેમા બે-બે બાળકો ઉછરી રહ્યા છે. આ વિચિત્ર વાતને સાંભળીને તમારા કાન પણ સરવા થઈ જશે પરંતુ આ વાત સાચી છે. જ્યારે ડૉક્ટરે તેમને આ વાત જણાવી તો તેને ખુદ પર વિશ્વાસ ન થયો. 28 વર્ષની કેલીને પહેલાથી જ બે દીકરીઓ છે અને હવે તે એકસાથે 4 બાળકોની માતા બનવાની છે. જો કે બાળકોને જન્મ આપવાની આ પ્રક્રિયા તેના માટે ખૂબ જ અઘરી રહેશે. આવો તમને જણાવીએ કેલીની આખી કહાની.
28 વર્ષિય કેલીને ડૉક્ટરે જણાવ્યું કે તેના પેટમાં બે ગર્ભાશય છે અને બંનેમાં બે બાળકો ઉછરી રહ્યા છે. એટલે કે કેલી એકસાથે 4 બાળકોને જન્મ આપવાની છે.આ બાળકો એક જેવા હોઈ શકે છે. ડૉક્ટરે જણાવ્યં કે આ ખૂબ જ ખાસ સ્થિતિ છે. આવું 50 મિલિયન કિસ્સાઓમાં એક જ વાર થાય છે.
કેલીને પહેલેથી જ બે બાળકીઓ છે. જેમાંથી એક 4 વર્ષની છે અને બીજી 3 વર્ષની. કેલીની પહેલી દીકરીનો જન્મ નિયત સમયથી 8 અઠવાડિયા પહેલા થઈ ગયો હતો. તો બીજી દીકરીનો જન્મ નિયમ સમયના 6 અઠવાડિયા પહેલા થયો હતો.
ડૉક્ટરોનું કહેવું છે કે કેલીનું ભાવિ સંતાન પણ સમય પહેલા જ પેદા થશે. જે સૌથી વધુ ચિંતાની વાત છે. કેલી કહે છે કે, તેણે ક્યારેય નહોતું વિચાર્યું કે, તે બે ગર્ભાશયમાં જોડિયા બાળકોને જન્મ આપશે. તે કહે છે કે, મને જ્યારે આ વિશે ખબર પડી ત્યારે મને ખૂબ જ આશ્ચર્ય થયું.
કેલી અને તેને બૉયફ્રેન્ડ જોશુઆ બાઉંડ્રીએ ગર્ભધારણ કરવાના 12 અઠવાડિયા પહેલાની સોનોગ્રાફીની તસવીરો બતાવી છે. કેલી અને તેનો બૉયફ્રેન્ડ જોશુઆ ઈશ્વરની આ અદ્ભૂત ભેટથી ખૂબ જ ખુશ છે.