મુંબઈઃ બોલિવૂડના હેન્ડસમ બેચલર વરુણ ધવન 24મીએ નતાશા દલાલ સાથે લગ્ન કરવાનો છે. વરુણ પંજાબી રીત રિવાજથી લગ્ન કરશે. આ લગ્નમાં 200 મહેમાનો હાજર રહેશએ. લગ્ન ધ મેન્શન હાઉસમાં યોજાશે. આ મેન્શન એકદમ આલીશાન છે.
વરુણ તથા નતાશા એકબીજાને લાંબા સમયથી ડેટ કરે છે. મેન્શન હાઉસમાં 25 રૂમ છે. ગાર્ડન તથા સ્વિમિંગ પૂલ છે. આ આખો મેન્શન સફેદ રંગથી રંગાયેલો છે. Cntravller.in વેબસાઈટ પ્રમાણે, આખો મેન્શન બુક કરાવો એટલે કે 25 એ 25 રૂમ બુક કરાવો તો એક દિવસનું ભાડું 4 લાખ રૂપિયા છે. આ મેન્શન સસાવાને બીચથી 10 મિનિટના અંતરે છે.
ધ મેન્શન હાઉસમાં સ્કાય ડે રૂમ્સ, કવ રૂમ્સ તથા પાલ કોર્ટ રૂમ જેવા વિવિધ કેટેગરીના રૂમ આવેલા છે. આ રૂમમાં સ્ટે કરીને તમે મૌસમની મજા માણી શકો છો. આ મેન્શનમાં પાંચ રેસ્ટોરાં છે. બ્રેક ફાસ્ટ માટે સિક્રેટ ગાર્ડન છે. જ્યારે ડિનર માટે પૂલસાઈડ કબાના કવ છે. અહીંયા તમે આરામથી પૂલની મજા લેતા લેતા ડિનર લઈ શકો છે.
ધ વેસ્ટ કોસ્ટ ટેરેસમાં તમે સનસેટની મજા માણીને ઈન્ટરનેશનલ ફૂડનો લુત્ફ ઊઠાવી શકો છે. લિવિંગ રૂમ તથા વરંડા બાજુ-બાજુમાં આવેલી રેસ્ટોરાં છે. આ બંને રેસ્ટોરાં પૂલસાઈડ છે. આ બંને રેસ્ટોરાં બપોરથી લઈ રાત્ર સુધી ખુલ્લી રહે છે.
વરુણ ધવન તથા નતાશા દલાલના વેડિંગ ફંક્શન ચાર દિવસ ધ મેન્શન હાઉસમાં યોજાશે. મહેંદી સેરેમનીથી લઈ રિસેપ્શન અહીંયા થશે. મુંબઈમાં ધવન પરિવાર ગ્રાન્ડ રિસેપ્શન આપશે.