મુંબઈઃ કિંગ કોબ્રા નામ સાંભળતા જ આંખો સામે ડરનો માહોલ છવાઈ જાય છે. વિચારો કે આ કિંગ કોબ્રા અચાનક આપણી સામે આવી જાય તો આપણી શું હાલત થાય. ખરી રીતે તો હાલમાં સો.મીડિયામાં એક વીડિયો વાઇરલ થયો છે. આ વીડિયોમાં એક બાળકની પાછળ કિંગ કોબ્રા 420ની સ્પીડે ભાગ્યો છે. આ વીડિયો જોઈને લોકોના રૂંવાડા ઊભા થઈ ગયા છે.
આ વીડિયો વિયેટનામના સોક ટ્રેગનો છે. આ વીડિયોમાં ઘરમાં એક માસૂમ બાળક રમકડાં રમતો હોય છે. તેની બાજુમાં દાદા ઊભા હોય છે. અચાનક જ ત્યાં કંઈક સળવળાટ થાય છે.
દાદા જુએ છે કે એક કિંગ કોબ્રા બાળકની તરફ આગળ વધે છે. તે બાળકને નુકસાન પહોંચાડે તેવી શક્યતા હતી. સાપને જોતા જ તે બૂમો પાડવા લાગે છે અને ત્યારે જ બાળકના પિતા દોડીને બાળકને તેડીને ઘરની અંદર ભાગે છે. દાદા પણ થોડીક સેકન્ડમાં ઘરની અંદર જતા રહે છે.
આ દરમિયાન કિંગ કોબ્રા પણ ઘરની અંદર જવાનો પ્રયાસ કરે છે, પરંતુ દરવાજો બંધ હોવાથી તે ત્યાં જ રહે છે. જોકે, અંતે તે રમકડાંની વચ્ચેથી બહારની તરફ જાય છે.
સો.મીડિયામાં અપલોડ કરવામાં આવેલા આ વીડિયોમાં કહેવામાં આવ્યું છે, શું થયું, જ્યારે યાર્ડમાં મારી બાળકની પાસે 2 મીટર લાંબો કિંગ કોબ્રા આવ્યો.
જે વ્યક્તિ બાજુમાં છે, તે તેના દાદા છે. દાદા ડરને કારણે તરત જ કંઈ બોલી શક્યા નહોતા, પરંતુ પછી તેમણે બૂમાબૂમ કરી મૂકી હતી. ભગવાનનો પાડ કે બધું જ ઠીક છે.
સો.મીડિયામાં આ વીડિયો વાઇરલ થયો છે. લોકો વિવિધ પ્રકારની કમેન્ટ્સ કરે છે. કેટલાંકે એમ કહ્યું હતું કે સારું થયું કે સમય પર નજર પડી, નહીંતર કંઈક અઘટિત ઘટના બની જાત.
