ફિરોઝાબાદઃ એક નોકરને માલિકના ભત્રીજાની પત્ની સાથે પ્રેમ થયો તો તેની સાથે ભાગી ગયો. જ્યારે તે પરત આવ્યો તો યોજના બદ્ધ રીતે તેની હત્યા કરી લખનૌ-આગ્રા એક્સપ્રેસ વે પર મૃતદેહ ફેંકી દેવામાં આવ્યો. આ અંગે ફિરોઝાબાદ પોલીસે ખુલાસો કર્યો છે.

ફિરોઝાબાદ જીલ્લાના નસીરપુર પોલીસ સ્ટેશન વિસ્તારમાં 9 જૂનના એક યુવકનો મૃતદેહ જવાહર બ્રિજ નીચે મળી આવ્યો હતો. 12 જુલાઈએ તેની ઓળખ બંટી કઠેરિયા તરીકે કરવામાં આવી હતી. આ મામલે વધુ તપાસ હાથ ધરવામાં આવી ત્યારે તેની પાછળ ચોંકાવનારી કહાણી સામે આવી હતી. મૃતક બંટી કઠેરિયા નાની વયથી જ મૈનપુરીના ગામ ચંદ્રપુરમાં સર્વેશના ઘરે નોકરી કરતો હતો. બંટી અને સર્વેશના ભત્રીજા સંદીપની પત્ની રિંકી વચ્ચે ધીમે-ધીમે નિકટતા વધી અને તેમના આડાસંબંધોનો પ્રારંભ થયો.

એક દિવસ બંટી સંદીપની પત્ની રિન્કીને ભગાવી કાનપુર લઈ ગયો. આ વાતની જાણકારી થઈ સંદીપને થઈ તો તેણે પોતાના સાથીઓ સાથે મળી બંટીની હત્યાની યોજના બનાવી. તેણે પોતાના સાળા પ્રદીપ, પિતરાઈ ભાઈઓની મદદથી બંટીની હત્યા કરી અને મૃતદેહને એક્સપ્રેવ-વે પર ફેંકી દીધો હતો. જોકે પોલીસે ઘણી મહેનત બાદ આ કેસ ઉકેલી લીધો.

ફિરોઝાબાદના એસએસપી સચિન્દ્ર પટેલે જણાવ્યું કે, બંટીની હત્યાના આરોપમાં મુખ્ય આરોપી સંદીપઅને તેના સાળા પ્રદીપની ધરપકડ કરવામાં આવી હતી. આ ઉપરાંત હત્યામાં સાથ આપનારા જે આરોપીઓ હાલ ફરાર છે અને તેમની પણ ટૂંક સમયમાં ધરપકડ કરી લેવામાં આવશે.