મુંબઈઃ ટીવીનો ફેમસ શૉ ‘ક્યોંકી સાસ ભી કભી બહુ’થીને 20 વર્ષ પૂરાં થઈ ગયા છે. 8 વર્ષ સુધી ચાલેલા આ પોપ્યુલર શૉના કેરેક્ટ, કિસ્સા, સ્ટોરી અને કલાકારનું આજે પણ દર્શકોના દિલમાં અલગ સ્થાન છે. આ શૉએ અનેક ન્યૂકમર એક્ટર્સના કરિયરને આગળ વધાર્યું છે, અનેકને ઘરે-ઘરે પોપ્યુલર બનાવ્યા છે. અમે તમને જણાવીએ કે, ‘ક્યોંકી સાસ ભા કભી બહુ થી’ના એક્ટર આજે ક્યાં છે અને શું કરી રહ્યા છે?

સૌ પહેલાં વાત કરીએ ‘ક્યોંકી સાસ ભી કભી બહુ થી’ની લીડ એક્ટ્રસ સ્મૃતિ ઇરાની એટલે કે તુલસીની. સ્મૃતિ ઇરાનીએ વર્ષો પહેલાં એક્ટિંગની દુનિયાને અલવિદા કહ્યું હતું. અત્યારે તે રાજનિતીમાં સક્રિય છે. સ્મૃતિ ઇરાની એક મોટા એક્ટ્રસ બન્યા પછી મોટાં પોલિટિકલ લીડર પણ બની ચૂક્યા છે. સ્મૃતિ ઇરાની અમેઠીથી BJPની સાંસદ છે. આ ઉપરાંત તે કેન્દ્રીય કાપડ મંત્રી પણ છે. સ્મૃતિ ઇરાની મહિલા અને બાળ વિકાસ મંત્રાલયના પ્રભારી પણ છે.

ટીવી સિરિયલ ‘ક્યોંકી સાસ ભી કભી બહુ થી’માં મિહિરનો રોલ પ્લે કરનાર અમર ઉપાધ્યાયના ચોકલેટી લૂકની છોકરીઓ દીવાની હતી. છેલ્લાં વરઅષોમાં અમરે અનેક પ્રકારના રોલ કરી ખુદને સાબિત કર્યો છે. તે સિરિયલ ‘ઇશ્કબાઝ’માં સાહિલ ત્રિવેદીના રોલમાં જોવા મળ્યો હતો. તે ટીવી શૉમાં એક્ટિવ છે અને સારા રોલમાં જોવા મળે છે.

‘ક્યોંકી સાસ ભી કભી બહુ થી’ માં એક્ટર રોનિત રોયે મિહિરનો રોલ પ્લે કર્યો હતો. રોનિત રોયનું આજે ટીવી અને ફિલ્મોમાં મોટું નામ છે. રોનિત રોય વેબ સિરીઝમાં પણ સારું કામ કરી રહ્યા છે. તે અનેક મોટા એક્ટર્સ સાથે ફિલ્મ કરી રહ્યા છે. અત્યારે રોનિત રોયના અનેક પ્રોજેક્ટ લાઇનમાં છે.

‘ક્યોંકી સાસ ભી કભી બહુ થી’ માં ‘બા’નાં રોલમાં જોવા મળેલાં સુધા શિવપુરી હવે આપણી વચ્ચે રહ્યા નથી. 2014માં તેમને એટેક આવ્યો હતો. આ પછી મલ્ટીપલ ઓર્ગન ફેલિયરને લીધે 20 મે 2015એ તેમનુ નિધન થયું હતું.

સુમિત સચદેવે ‘ક્યોંકી સાસ ભી કભી બહુ થી’ માં ગૌતમ વિરાનીનો રોલ પ્લે કર્યો હતો. આ પછી ગૌતમ અનેક શૉમાં જોવા મળ્યા હતાં. તેમણે એકતા કપૂરનો શૉ ‘યે હે મોહબ્બતે’માં અભિમન્યુ રાઘવનો રોલ પ્લે કર્યો હતો.

હિતેન તેજવાનીએ ‘ક્યોંકી સાસ ભી કભી બહુ થી’ માં કરણ મિહિર વિરાનીનો રોલ પ્લે કર્યો હતો. હિતેન એકતા કપૂરના અનેક શૉમાં કામ કરી ચૂક્યો છે. તે બિગબોસ 11માં પણ જોવા મળ્યો હતો. હિતેન ફિલ્મો, ટીવી શૉ અને વેબ સિરિઝમાં સક્રિય છે.

ગૌરી પ્રધાને ‘ક્યોંકી સાસ ભી કભી બહુ થી’ માં કરણની પત્નીનો રોલ પ્લે કર્યો હતો. ગૌરી સિરિયસમાં ઓછી જોવા મળે છે. ગૌરી પ્રધાન છેલ્લે ‘તૂ આશિકી મેં’માં જોવા મળી હતી.

મૌની રૉયએ ‘ક્યોંકી સાસ ભી કભી બહુ થી’ માં કૃષ્ણા તુલસીનો રોલ પ્લે કર્યો હતો. આ શો પછી મૌની રૉય ઘરે-ઘરે ફેમસ થઈ હતી. મૌની નાગિન સિરિઝમાં પણ કામ કરી ચૂકી છે. મૌની રૉય ટીવીની મોટી એક્ટ્રસ છે. મૌની રૉય બોલિવૂડમાં ધૂમ મચાવી રહી છે. મૌની રૉય અપકમિંગ મૂવી ‘બ્રહ્માસ્ત્ર’માં જોવા મળશે.

‘ક્યોંકી સાસ ભી કભી બહુ થી’ સિરિયલમાં અપરા મહેતાએ સાવિત્રી દેશમુખનો રોલ પ્લે કર્યો હતો.તુલસીની સાસુ અને મિહિરની મા બન્યા હતાં. અપરા મહેતા એક્ટિંગની દુનિયામાં સક્રિય છે. અપરા મહેતા છેલ્લે સ્ટાર પલ્સના શૉ ‘કયામત કી રાત’માં જોવા મળ્યા હતાં.

રક્ષંદા ખાન પ્રોડ્યુસર એકતા કપૂરની સિરિયલ‘ક્યોંકી સાસ ભી કભી બહુ થી’ માં તાન્યા કરણ વિરાણીના રોલમાં જોવા મળી હતી. તે કરણની બીજી પત્નીના રોલમાં હતાં. રક્ષંદા ‘નાગિન 3’માં પણ મહત્ત્વના રોલમાં જોવા મળી હતી. આ ઉપરાંત તે વેબ સિરિઝમાં પણ કામ કરી રહ્યા છે.

રેશ્મી ઘોષ સિરિયલ ‘ક્યોંકી સાસ ભી કભી બહુ થી’ ફેમસ થઈ હતી. તે ભૂમી વિરાણીના રોલમાં જોવા મળી હતી. આ પછી રેશ્મી ઘોષ અનેક શોમાં જોવા મળી હતી. રેશ્મીએ વર્ષ 2018માં આવેલા શૉ ‘મહાકાળી’માં પણ કામ કર્યું હતું.

‘ક્યોંકી સાસ ભી કભી બહુ થી’માં અંશ મિહિર વિરાણીના દીકરાનો આકાશદીપ સહગલે રોલ પ્લે કર્યો હતો. આકાશદીપનો ટ્રેક શૉ સૌથી શાનદાર રહ્યો હતો. ખાસ તો, તેમના મરવાનો સીન. આકાશદીપ બિગબોસ 5માં પણ જોવા મળ્યો હતો. તે બિગબોસમાં ગયા પછી પોપ્યુલર થયા હતાં, પણ તેમના કરિયરને ખાસ ફાયદો થયો નહોતો.

‘ક્યોંકી સાસ ભી કભી બહુ થી’માં કેતકી દવેના રોલને કોણ ભૂલી શકે છે. કેતકી દવેએ દક્ષા હિમ્મત વિરાનીનો રોલ પ્લે કર્યો હતો. કેતકી સતત કામ કરી રહી છે. કેતકી છેલ્લે માઇથોલોજિકલ શો ‘મેરે સાઇ શ્રદ્ધા ઓર સબુરી’માં જોવા મળી હતી.

‘ક્યોંકી સાસ ભી કભી બહુ થી’ માં હુસૈન કુવાજેરવાલાએ ચિરાગ વિરાનીનો રોલ પ્લે કર્યો હતો. એક સમય હતો જ્યારે હુસૈન ટીવી વર્લ્ડનો મોસ્ટ ફેમસ એક્ટર હતો. હુસૈને અનેક મોટા શૉમાં કામ કર્યું છે. હુસૈન છલ્લા કેટલાક વર્ષોથી ડેલી શોપને છોડી રિઆલિટી શોમાં કામ કરતો જોવા મળ્યો છે. તે રિઆલિટી શૉનો હોસ્ટ પણ કરે છે.

સાઉથ ફિલ્મોની પોપ્યુલર અક્ટ્રસ હંસિકા મોટવાણી અનેક ટીવી શૉમાં ચાઇલ્ડ આર્ટિસ્ટ તરીકે કામ કરી ચૂકી છે. ફિલ્મો પહેલાં તે ટીવી પર જોવા મળી હતી. ‘ક્યોંકી સાસ ભી કભી બહુ થી’માં બાવરી વિરાનીના રોલમાં જોવા મળી હતી. હંસિકાની અનેક સાઉથ ઇન્ડિયન ફિલ્મ લાઇનમાં છે.

કરીશ્મા તન્ના ટીવીની જાણિતી એક્ટ્રસ છે. તેમણે ‘ક્યોંકી સાસ ભી કભી બહુ થી’ માં ઇન્દિરા આનંદ ગાંધીનો રોલ પ્લે કર્યો હતો. કરિશ્મા અત્યારે ‘ખતરોં કે ખિલાડી 10’નો ભાગ છે. કરિશ્મા તન્ના અનેક ટીવી શૉ અને ફિલ્મમાં નાના રોલમાં જોવા મળી છે.

કરણવીર બોહરા પણ ‘ક્યોંકી સાસ ભી કભી બહુ થી’ માં જોવા મળ્યા હતાં. કરણવીર અત્યારે ફિલ્મ અને વેબ સિરિઝમાં વ્યસ્ત છે. કરણવીર નાગિન 3માં રૉકીના રોલમાં જોવા મળ્યા હતાં.

શબ્બીર અહલૂવાલિયા ‘ક્યોંકી સાસ ભી કભી બહુ થી’ માં અનિકેત મહેતાનો રોલ પ્લે કર્યો હતો. શબ્બીર અહલૂવાલિયા એકતા કપૂરના અનેક મોટા શૉમાં હતાં. શબ્બીર જીટીવીના પોપ્યુલર શૉ ‘કુમકુમ ભાગ્યા’માં પણ જોવા મળ્યા છે.

પુલકિત સમ્રાટે ટીવીથી તેમના કરિયરની શરૂઆત કરી હતી. ‘ક્યોંકી સાસ ભી કભી બહુ થી’ તેમનો ડેબ્યુ શૉ હતો. પુલકિત લક્ષ્ય વિરાનીના રોલમાં જોવા મળ્યા હતાં. અત્યારે પુલકિતે ટીવીની દુનિયાને છોડી બોલિવૂડમાં એન્ટ્રી કરી છે. તે અનેક ફિલ્મમાં કામ કરી રહ્યા છે.