એક વિવાહિતનો પતિ પોતાની પ્રેમિકાને મળવા માટે ગયો તો પત્ની ફ્લેટ ઉપર પહોંચી ગઈ અને પોતાના પતિને ઘરમાંથી બહાર નીકાળીને રસ્તા ઉપર દોડાવીને માર માર્યો હતો. કોઈએ તેનો વીડિયો બનાવ્યો જે સોશિયલ મીડિયા પર વાયરલ થઈ રહ્યો છે. આ ઘટના ઉત્તર પ્રદેશના પીલીભીત જિલ્લાની છે.

પીલીભીતમાં ગઈકાલે રાત્રે પરિણીત મહિલાએ તેના પતિની જોરદાર ધોલાઈ કરી હતી, જેનો વીડિયો ઘટના સ્થળે હાજર લોકોએ સોશિયલ મીડિયા પર વાયરલ કર્યો હતો. આ સાથે જ ઘટનાની માહિતી મળતા પોલીસે પીડિતા પાસેથી મળેલી ફરિયાદના આધારે પૂછપરછ કરી તપાસ શરૂ કરી છે. ઘટના પોલીસ સ્ટેશન વિસ્તારના સિવિલ લાઇન નોર્થ કોલોનીની છે.

હકીકતમાં, મહિલાનો પતિ છેલ્લા ઘણા દિવસોથી પીલીભીતમાં પોસ્ટ કરેલી તેની ગર્લફ્રેન્ડને મળવા તેના ઘરે આવતો હતો, જેના પગલે તેની પત્ની શુક્રવારે પીલીભીતમાં આવી હતી અને તેના આરોપી પતિને ગર્લફ્રેન્ડના ઘરેથી બહાર કાઢીને રસ્તાની વચ્ચે તેની જોરદાર ધોલાઈ કરી નાંખી હતી.

ઘટનાસ્થળે હાજર લોકોએ તેનો વીડિયો બનાવ્યો અને સોશિયલ મીડિયા પર વાયરલ કર્યો હતો. વીડિયોમાં દેખાઈ રહ્યુ છેકે, કેવી રીતે રચના મિશ્રા તેના પતિની ગર્લફ્રેન્ડના ઘરની બહાર દરવાજે ચીસો પાડી રહી છે અને તેના પતિને દોડાવી-દોડાવીને માર મારી રહી હતી.

પત્ની એટલી ગુસ્સે છે કે તેણે તેના પતિના કપડા ફાડી નાખ્યા. પતિ જમીન પર પડેલો બીમાર હોવાનો ઢોંગ કરી રહ્યો હતો. પોલીસે ઘટના સ્થળે પહોંચી પીડિત મહિલાની ફરિયાદના આધારે કેસની તપાસ શરૂ કરી છે.

પીડિતા રચના મિશ્રાએ આરોપ લગાવ્યો છે કે તેણે 10 વર્ષ પહેલા લખનૌમાં એડવોકેટ અમોગ મિશ્રા સાથે લગ્ન કર્યાં હતાં, જે તેની સાથે ઘણીવાર મારપીટ કરતો હતો અને ઘરની બહાર કાઢી મૂકીને જાનથી મારી નાખવાની ધમકી આપતો હતો. આ પછી, પીડિતા બે-ત્રણ દિવસ પહેલા તેની માતા પાસે આવી હતી.

ત્યારબાદ તેણીને ખબર પડી કે તેનો પતિ દરરોજ પીલીભીતમાં એપીઓનાં પદ પર તૈનાત અધિકારી પુષ્પા રાવતના ઘરે આવે છે અને તેની સાથે રહે છે, તો પીડિતાએ ત્યારબાદ આરોપી પતિને તેની પ્રેમિકા સાથે રંગેહાથ પકડીને જોરદાર ધોલાઈ કરી દીધી હતી જેનો વીડિયો ત્યાં હાજર લોકોએ બનાવીને સોશિયલ મીડિયામાં વાયરલ કરી દીધો હતો.