વિશ્વના ઘણા દેશો કોરોના વાયરસ રસી પર અંતિમ ટ્રાયલ ચલાવી રહ્યા છે. આ યાદીમાં ભારતનું નામ પણ છે. દેશની ત્રણ મોટી કંપનીઓએ તેમની કોરોના રસીના કટોકટીમાં ઉપયોગ માટે મંજૂરી માટે અરજી કરી છે. આવી સ્થિતિમાં, એવી અપેક્ષા રાખવામાં આવે છે કે સરકાર ટૂંક સમયમાં રસીકરણની પ્રક્રિયા શરૂ કરી શકે છે, જોકે રસી પ્રક્રિયા અંગે આરોગ્ય મંત્રાલય દ્વારા કોઈ તારીખ કે સૂચના જાહેર કરવામાં આવી નથી. દરમિયાન, કેન્દ્રીય આરોગ્ય સચિવ રાજેશ ભૂષણે કહ્યું છે કે સરકારે રસી રજીસ્ટ્રેશન માટે એક એપ્લિકેશન બનાવી છે જે રસીકરણની સમગ્ર પ્રક્રિયા પર નજર રાખશે. આ એપ્લિકેશનનું નામ Co-WIN છે. Co-WINને ફ્રીમાં ડાઉનલોડ કરી શકાય છે, જોકે Co-WIN હજી સુધી Google Play Store અથવા Apple સ્ટોર પર ઉપલબ્ધ નથી.

રસી લગાવનારા લોકોની રહેશે સંપૂર્ણ માહિતી
આરોગ્ય મંત્રાલય દ્વારા કહેવામાં આવ્યું છે કે, Co-WIN એક મોબાઇલ એપ્લિકેશન છે જે દરેકને મફત ડાઉનલોડ માટે ઉપલબ્ધ હશે. આ એપ્લિકેશનમાં રસીકરણ પ્રક્રિયાથી લઈને વહીવટી પ્રવૃત્તિઓ, રસીકરણ કામદારો અને જેમને રસી લેવાની છે તેની સંપૂર્ણ માહિતી હશે. તેમાં સેલ્ફ રજીસ્ટ્રેશનનો પણ વિકલ્પ પણ હશે. કોઈ પંચાયતના વડા પણ તેની પંચાયતના લોકો માટે આ રસીકરણ માટે અરજી કરી શકશે.

રસીકરણ ત્રણ તબક્કામાં થશે
ભારતમાં કોરોના રસીકરણનું કામ શરૂઆતમાં ત્રણ તબક્કામાં થશે. જેમાં તબક્કાવાર લોકોને રસી આપવામાં આવશે. પહેલાં તબક્કામાં કોરોના રસી આરોગ્યસંભાળ વ્યવસાયિકોને અને બીજા તબક્કામાં આપાતકાલીન સેવાઓ સાથે સંકળાયેલા લોકોને આપવામાં આવશે. રાજ્ય સરકારોને આ લોકોનો ડેટા એકત્રિત કરવાની જવાબદારી મળી છે. તો ત્રીજા તબક્કામાં, એવાં લોકો કે જેઓ કેટલીક ગંભીર રોગોથી પીડિત છે, તેઓ રસી લેશે. આ બધાનું Co-WIN એપ પર જ નોંધણી કરાશે.

Co-WIN એપ્લિકેશનના પાંચ મોડ્યુલ છે
આરોગ્ય મંત્રાલયે પ્રેસ કોન્ફરન્સમાં જણાવ્યું હતું કે, Co-WIN એપમાં મોડ્યુલ છે જેમા વહીવટી મોડ્યૂલ, સેકન્ડ રજિસ્ટ્રેશન મોડ્યુલ, ત્રીજો રસીકરણ મોડ્યુલ, ચોથું લાભ મંજૂરી મોડ્યુલ અને પાંચમો રિપોર્ટ મોડ્યુલ સામેલ છે.આ મોડ્યુલોમાંથી પ્રથમ એ વહીવટી મોડ્યુલ છે જેમાં રસી માટેનું સેશન નક્કી કરવામાં આવશે અને રસી અપાયેલા લોકો અને સંચાલકોને સૂચનાઓ મોકલવામાં આવશે.

રજીસ્ટ્રેશન મોડ્યુલમાં તમે જાતે રસી માટે નોંધણી કરી શકશો. આ મોડ્યુલ માટે, કોઈ સંસ્થા જથ્થામાં નોંધણી કરાવી શકે છે જેમને રસીની જરૂર હોય. બેનિફિટ સ્વીકૃતિ મોડ્યુલમાં ક્યુઆર કોડના આધારે ટીકાકરણ સર્ટિફિકેટ મળશે. રાજેશ ભૂષણના જણાવ્યા મુજબ, દેશમાં જે લોકો રસી લગાવવા માગે છે તે લોકોને રસી આપવામાં આવશે.