સીવાનઃ બિહારના મૈરવાના સીવાનમાં કિન્નરના પ્રેમમાં પાગલ એક યુવકે તમામ બંધનોતોડીને પોતાની કિન્નર પ્રેમિકા સાથે લગ્ન કર્યા હતા. લગ્નનો એક વીડિયો વાઇરલ થયો છે. આ જ કારણે આ લગ્ન ચર્ચામાં આવ્યા છે.
મૈરવા પોલીસ સ્ટેશનની હદમાં આવેલા લંગડપુરા ગામમાં રહેતા લૂટન રાજભરના 24 વર્ષીય પુત્ર વિકાસનો પ્રેમસંબંધો ગામમાં જ રહેતા રોહિત ગોંડ નામના કિન્નર સાથે હતા. તેમના પ્રેમસંબંધો છેલ્લાં છ મહિનાથી ચાલતા હતા.
બંને પ્રેમમાં એ હદે પાગલ હતા કે બે દિવસ પહેલાં જ લગ્ન કર્યા હતા. વિકાસ રાજભર કિન્નરોની સાથે જ રહે છે. તે તેમની સાથે ઢોલ વગાડે છે. સાથે રહેતા રહેતા બંને વચ્ચે પ્રેમ થઈ ગયો હતો.
પરિવારને કંઈ જ ખબર નથીઃ વિકાસના પરિવારને તેના લવ અફેર અંગે પહેલાં કોઈ માહિતી નહોતી. ત્યાં સુધી કે તેણે લગ્ન અંગે પણ ઘરમાં કોઈને કંઈ જ કહ્યું નહોતું. તેણે ઘરેથી ભાગીને ગોપાલગંજના મીરગંજમાં લગ્ન કર્યા હતા. વીડિયો વાઇરલ થયા બાદ પરિવારને આંચકો લાગ્યો હતો.