કરીના કપૂર અને સૈફ અલી ખાનની લગ્નની 8મી વર્ષગાંઠની ઉજવણી આજે એટલે કે 16 ઓક્ટોબરના રોજ કરી રહ્યા છે. લગભગ 5 વર્ષ સુધી એકબીજાને ડેટ કર્યા બાદ આ દંપતીએ 2012માં નિકાહ કર્યાં હતાં. બંને લગ્ન પહેલા લિવ-ઈનમાં પણ રહેતા હતા. હવે આ દંપતી ઘણી વાર ક્વોલિટી ટાઈમ સાથે વિતાવે છે. કરીનાની સાસુ શર્મિલા ટાગોર હિરોઈન છે તેમજ પટૌડી ખાનદાનની પુત્રવધૂ પણ છે. તેમણે ખાનદાનના રીતિ-રિવાજોની સાથે જ ચાલવું પડે છે. તેમનું વ્યક્તિત્વ એકદમ મજબૂત છે. સૈફ-કરીનાના લગ્નની વર્ષગાંઠ નિમિત્તે તેણી તેની સાસુ સાથેના તેના સંબંધ વિશે જણાવી રહી છે…

આજે યુગ ઘણો બદલાયો છે. પહેલા લોકો પુત્રવધૂને ઘરે જ રાખવાનું પસંદ કરતા હતા. તે સમયે, ઘણી અભિનેત્રીઓએ પણ લગ્ન પછી પરિવારને સમય આપવાનું અને ફિલ્મોથી દૂર રહેવાનું યોગ્ય માન્યું હતું. પરંતુ, આજના સમયમાં નાયિકાઓ લગ્ન પછી પણ ફિલ્મોમાં કામ કરી રહી છે અને કોઈ પણ રોક-ટોક વિના તેમના જીવનનો આનંદ માણી રહી છે. આ યાદીમાં કરીનાનો પણ સમાવેશ થાય છે.

શર્મિલા ટાગોર આ વાત થી સુપરિચિત છે કે તે સૈફની માતા હોવા ઉપરાંત, તેના પુત્રનો કરીના સાથે એક અલગ પરિવાર અને જીવન છે. સામાન્ય સાસુ-વહુની જેમ, તે તેની વહુને રોકતી કે ટોકતી નથી, પરંતુ તે તેમની પુત્રીની જેમ સંપૂર્ણ સ્વતંત્રતા આપતા, તેમના અનુસાર જીવન જીવવા દે છે.

એક ઈન્ટરવ્યુ દરમિયાન કરીનાએ કહ્યું હતું કે જ્યારે તેનો આખો પરિવાર એકવાર માલદિવ્સમાં રજાઓ ગાળવા માટે ગયો હતો ત્યારે તેણે બીચ પર બિકીની પહેરી હતી, પરંતુ તેથી તેમના સાસુને કોઈ વાંધો ન હતો. ખુદ કરીનાએ કહ્યું હતું કે શર્મિલા તેની સાથે પુત્રીની જેમ વર્તે છે, તેથી જ તે તેમની સામે આટલી કમ્ફર્ટેબલ છે.

જોકે એવું કહેવામાં આવે છે કે દરેક દીકરી માટે તેની માતા જ પ્રેરણા હોય છે, પરંતુ કરીના માટે તેની સાસુ પણ એક મોટી પ્રેરણા છે. ખુદ કરીના કપૂરે પણ આ વાત સ્વીકારી છે.

એક મુલાકાતમાં ‘બેબો’ એ કહ્યું હતું કે તેની સાસુએ તેની કારકિર્દી અને કુટુંબને સંપૂર્ણ રીતે સંતુલિત કરીને એક સફળ જીવન જીવ્યું, તે હંમેશાં તેને પ્રેરણા આપે છે. આ સાથે શર્મિલા પણ બધે જ વહુના વખાણ કરે છે અને કરિનાને સમય-સમય પર પ્રેરિત કરતી રહે છે.

તમને જણાવી દઇએ કે કરીના સાથે લગ્ન કરતા પહેલા સૈફે વર્ષ 1991માં 12 વર્ષ મોટી અમૃતા સિંહ સાથે લગ્ન કર્યા હતા. તેમના બે બાળકો સારા અલી ખાન અને ઇબ્રાહિમ છે. અમૃતા અને સૈફના 2004માં છૂટાછેડા થયા હતા. જયારે હવે કરીના અને સૈફ પણ પોતાનું જીવન જીવી રહ્યા છે અને તેમને એક પુત્ર તૈમૂર છે અને અભિનેત્રી હવે ટૂંક સમયમાં બીજા બાળકની પણ માતા બનવા જઈ રહી છે. તે ફરીથી ગર્ભવતી છે અને 2021માં બીજા બાળકને જન્મ આપશે.

સૈફ પહેલા કરીનાનું શાહિદ કપૂર સાથે અફેર હતું. પરંતુ, એવું કહેવામાં આવે છે કે એક ‘કિસ એમએમએસ’ વાયરલ થયા પછી બંને વચ્ચે અણબનાવ થઈ ગયો હતો. સૈફ અને કરીનાની મુલાકાત 2008માં આવેલી ફિલ્મ ‘ટશન’ના સેટ પર થઈ હતી. કરીના કપૂરે વર્ષ 2000માં ફિલ્મ ‘રેફ્યુજી’થી પોતાના કરિયરની શરૂઆત કરી હતી. તેમની આ ફિલ્મ ફ્લોપ થઇ હતી. આ ફિલ્મમાં સુપરસ્ટાર અમિતાભ બચ્ચનનો પુત્ર અભિષેક પણ હતો. ત્યારબાદ કરીનાએ બોલિવૂડના કિંગ શાહરૂખ ખાન સાથે ફિલ્મ ‘અશોકા’માં કામ કર્યું હતું.

જોકે, કરીના-શાહરૂખની આ ફિલ્મે થિયેટરોમાં પણ ખાસ કંઈ કમાલ બતાવ્યું ન હતું. ‘અશોકા’ ફ્લોપ થઇ હતી. ત્યારબાદ કરણ જોહરે કરીનાને હિટ બનાવવાની જવાબદારી લીધી હતી અને તેને ‘કભી ખુશી કભી ગમ’માં કાસ્ટ કરી હતી. આ ફિલ્મમાં કરીનાના કામની પ્રશંસા કરવામાં આવી અને આ ફિલ્મ પણ સુપરહિટ બની હતી.