રાજસ્થાનમાં દર થોડા દિવસે અકસ્માત થયાના સમાચાર સામે આવે છે. શ્રીગંગાનગર જિલ્લામાં આવી જ એક ચોંકાવનારી ઘટના સામે આવી છે. જેમાં પતિ અને પત્ની સાથે મૃત્યુ પામ્યા હતા. આ અકસ્માત એટલો ભયંકર હતો કે જોનારાઓએ કહ્યું, “હે ભગવાન, આવું દુખદાયક મોત કોઈનું ન થવું જોઈએ.”

આ દંપતી એક સાથે દુનિયા છોડી ગયા
વાસ્તવમાં,આ ભયાનક અકસ્માત બુધવારે બપોરે ઘડાસાણા નજીક નેશનલ હાઇવે પર બન્યો હતો. જ્યાં કેંટર સાથે ટકરાતાં બાઇક સવાર દંપતીનાં મોત નીપજ્યાં હતાં. તો, અકસ્માત બાદ ટક્કર મારીને ડ્રાઈવર સ્થળ પરથી ફરાર થઈ ગયો હતો.

ટ્રેક્ટર અને ટેન્કર વચ્ચે પતિ-પત્ની ફસાયા હતા
જણાવી દઈએ કે લખવીંદરસિંહ ખોસા જટસિખ (50) તેની પત્ની કુલદીપ કૌર (45) અને બે વર્ષીય પૌત્રી જવમીતની સાથે બાઇક પર અનુપગઢ કોઈ કાર્યક્રમમાં ભાગ લેવા માટે જઈ રહ્યા હતા. દરમિયાન પાછળથી આવી રહેલા કેંટેરે ટ્રેક્ટરને ઓવરટેક કરવાના ચક્કરમાં બાઈકને ટક્કર મારી હતી. બાઇક બે વાહનોની વચ્ચે આવી ગઈ હતી અને દંપતી કચડાઈ ગયું હતું. તો, અકસ્માતમાં નિર્દોષ બાળકી ગંભીર રીતે ઘાયલ થઈ હતી, જેને પોલીસે જિલ્લા હોસ્પિટલમાં દાખલ કરી છે.

લોહીથી લથપથ રસ્તાાની વચ્ચે પડ્યા હતા પતિ-પત્ની
નજરેજોનારા લોકોએ જણાવ્યું કે, પતિ-પત્ની બંને ખરાબ રીતે કચડાયા હતા. બંને લોહીથી લથબથ હતા કે તેમની ઓળખ કરવી મુશ્કેલ હતી. આજુબાજુના લોકો તેણી પાસે પહોંચ્યા ત્યાં સુધીમાં તેમનું પ્રાણપંખેરુ ઉડી ગયુ હતુ. મુસાફરોએ પોલીસને જાણ કરી ઘટના સ્થળે બોલાવ્યા, પોલીસ અધિકારી ધર્મપાલસિંહ શેખાવતે ટેન્કર ચાલક સામે ગુનો દાખલ કરી આરોપીની શોધખોળ શરૂ કરી હતી.