અમેરિકાની એક ડિફેન્સ ઇન્ટેલિજન્સ એજન્સીએ પેન્ટાગોનને ખૂબ જ સનસનીખેજ રિપોર્ટ આપ્યો છે. આ રિપોર્ટ અનુસાર, એક એલિયનને એક માનવ મહિલા સાથે સંબંધ હતો, જેના પછી તે ગર્ભવતી બની હતી. એલિયન્સ અથવા યુએફઓ અંગે ભૂતકાળમાં ઘણા આશ્ચર્યજનક દાવા કરવામાં આવ્યા છે. પરંતુ હવે એલિયન્સ દ્વારા મહિલા સાથે સંબંધ બાંધવાની ઘટના સામે આવી છે, જે બાદ મહિલા પ્રેગ્નન્ટ છે.
આ ચોંકાવનારી વાત ત્યારે સામે આવી જ્યારે એક રિપોર્ટમાં યુએસ ડિફેન્સ મિનિસ્ટ્રીએ લોકોના સ્વાસ્થ્યની તપાસ કરી અને એવા લોકોના નિવેદન લીધા કે જેમણે યુએફઓ મળ્યા બાદ ‘પેરાનોર્મલ એક્સપિરિયન્સ’ હોવાનો દાવો કર્યો હતો. આ સંબંધમાં ડિફેન્સ ઈન્ટેલિજન્સ એજન્સીએ પેન્ટાગોનને કેટલાક દસ્તાવેજો સુપરત કર્યા છે, જેને ‘ધ સન’ દ્વારા પ્રકાશિત કરવામાં આવ્યા છે. અહેવાલમાં એલિયન અથવા યુએફઓ નજીક આવે ત્યારે જોઈ શકાય તેવી અસરોનું વર્ણન કરવામાં આવ્યું છે. આમાં મનુષ્યોને નુકસાન પહોંચાડવાથી લઈને અપહરણ અને તેમની સાથે ‘સેક્સ’ કરવા સુધીની ઘટનાઓનો સમાવેશ થાય છે.
એક સાક્ષીએ દાવો કર્યો હતો કે યુએફઓએ મનુષ્યો સાથે સેક્સ કર્યું હતું અને એક મહિલાને ગર્ભવતી પણ બનાવી હતી. રિપોર્ટમાં એમ પણ કહેવામાં આવ્યું છે કે યુએફઓ અને માનવીઓ વચ્ચે પાંચ વખત ‘સેક્સ્યુઅલ રિલેશન’ હોવાનું નોંધાયું છે.
રિપોર્ટમાં યુએસ સ્થિત એજન્સી MUFON એ માનવીઓ પર UFO જોવાની જૈવિક અસરો અને તેની આવર્તન વિશે જણાવ્યું છે. જેમાં અપહરણ, પ્રેગ્નેન્સી, સેક્સ્યુઅલ રિલેશન, ટેલિપેથીના અનુભવ જેવી વિચિત્ર ઘટનાઓનો ઉલ્લેખ કરવામાં આવ્યો છે.
અહેવાલમાં જણાવાયું છે કે યુએફઓ/એલિયનની નજીક જતા લોકો ઘાયલ થઈ શકે છે, રેડિયેશનથી બળી શકે છે, મગજની સમસ્યાઓ પેદા કરી શકે છે અથવા તેમની ચેતાને અસર કરી શકે છે. આ ઉપરાંત, સાક્ષીઓના અન્ય અનુભવોમાં દુઃસ્વપ્નો, અવાજ ગુમાવવો, આંખની ઇજાઓ, શ્વાસ લેવામાં તકલીફ અને વજનમાં ઘટાડોનો સમાવેશ થાય છે. રિપોર્ટ અનુસાર – ‘વિદેશી અને વિચિત્ર વિમાનોના સંપર્કમાં આવવાથી’ ઘણા લોકો ઘાયલ થયા છે. રિપોર્ટમાં એવી ચેતવણી પણ આપવામાં આવી છે કે આવી વસ્તુઓ અમેરિકામાં આયાત કરી શકાય છે.
