‘પ્યાર કા પંચનામા’ ફેમ અભિનેત્રી નુસરત ભરૂચાએ જણાવ્યું હતું કે, જો બાળકોને 7માં ધોરણથી સેક્સ એજ્યુકેશન આપવામાં આવે છે તો તેમને કોન્ડમથી સમસ્યા શું હોઈ શકે? ‘જનહિત મેં જારી’ એક પારિવારિક ફિલ્મ છે, જેમાં સ્કૂલ લાઇફ કોમેડી જેવી સામાજિક જાગૃતિ દર્શાવવામાં આવી છે. આ ફિલ્મના પ્રમોશન માટે શનિવારે જયપુર આવેલી નુસરત અને નવોદિત અભિનેતા અનુદ સિંહે કોન્ડમ અને સેક્સ એજ્યુકેશન પર ખુલીને વાત કરી હતી.

નુસરતે કહ્યું- કોન્ડમને સુરક્ષાની દ્રષ્ટિએ જોવું જોઈએ. લોકો તેને સેક્સના દ્રષ્ટિકોણથી જ જુએ છે. ફિલ્મનું ટ્રેલર લોન્ચ થયું તે દિવસથી જ લોકોની કમેન્ટ્સ આવવા લાગી હતી. ઘણાં લોકોએ કોલ કર્યા હતા અને સોશિયલ મીડિયા પર ટ્રોલર્સે ટ્રોલ પણ કર્યા હતા. પછી મને સમજાયું કે આ વિષય કેટલો મહત્વપૂર્ણ છે.

નુસરતનું કહેવું છે કે તેનો પરિવાર સેક્સ એજ્યુકેશનને લઇને ઓપન માઈન્ડેડ છે. તેથી, જ તે પરિવાર સાથે બધું જ શેર કરવામાં સક્ષમ છે. મને લાગે છે કે, પુરુષો કરતાં સ્ત્રીઓને કોન્ડમની વધુ જરૂર હોય છે, કારણકે કોન્ડમનો ઉપયોગ ના કરવાથી પુરુષો કરતાં સ્ત્રીઓને વધુ તકલીફ પડે છે. આ ફિલ્મમાં વધતાં જતાં ગર્ભપાતના કેસોની પણ ચર્ચા કરવામાં આવી છે. સંપૂર્ણ ડેટા અને આંકડાઓ સાથે તે બતાવવામાં આવે છે કે કોન્ડોમ કેટલા મહત્વપૂર્ણ છે.

લોકો ફરી-ફરીને જુએ છે
નુસરતે આ દરમિયાન ફિલ્મના શૂટિંગનો અનુભવ પણ શેર કર્યો હતો. એણે કહ્યું કે, આ ફિલ્મની ઑફર એને ડ્રીમગર્લના સેટ પર કરવામાં આવી હતી. પહેલીવાર આવા સંવેદનશીલ વિષય પર સ્ત્રી લીડ મેળવવી એ મારા માટે ગર્વની વાત છે. નાની-નાની ગલીઓમાં શૂટિંગ દરમિયાન કોન્ડમ શબ્દનો ઉપયોગ થતો હતો ત્યારે લોકો તેમની તરફ ફરી-ફરીને જોતા હતા. નુસરત કહે છે કે, પહેલી વાર તેને એકદમ અસહજતા અનુભવાઈ હતી. મને આશ્ચર્ય થયું કે, લોકો આવા દેખાવ અને આવી વિચારસરણીથી કોન્ડમ જેવી સારી વસ્તુને કેવી રીતે જોઈ શકે છે? આ ફિલ્મમાં અભિનેતા તરીકે ડેબ્યુ કરનાર અનુદસિંહ સમજાવે છે કે, બાળકોને 7માં ધોરણમાં કોન્ડમ વિશે શીખવવામાં આવે છે તેમછતાં આજે મોટાભાગના શિક્ષકો આ પ્રકરણ છોડી દે છે. બાળકોને 10મા ધોરણમાં તેના વિશે વાંચવાનું કહેવામાં આવે છે. જનહિતમાં એક સોશિયલ કોમેડી ફિલ્મ રિલીઝ થઈ છે, જેમાં લોકોને કોન્ડમ વિશે જાગૃત કરવાનો પ્રયાસ કરવામાં આવ્યો છે.

અનુદે જણાવ્યું કે, તેણે કોલેજ ભોપાલથી કરી હતી, પરંતુ ટ્યૂશન માટે તે જયપુરમાં પોતાની માસીના ઘરે જ રહેતો હતો. બાળપણથી જ તેને ફિલ્મી કીડો હતો. એન્જિનિયરિંગ કર્યા પછી આ વાતનો અહેસાસ થયો. ફિલ્મ ઇન્ડસ્ટ્રીમાં આવતા પહેલા અનુદે ઘણી શોર્ટ ફિલ્મો લખી અને ડિરેક્ટ કરી છે.

ફિલ્મની ટૂંકી વાર્તા
આ ફિલ્મમાં નુસરત ભરૂચા કોન્ડોમ વેચવાની કંપનીમાં કામ કરે છે. જ્યાં છોકરીઓ નોકરી પણ નથી કરતી, આવા કામ કરવામાં કેવા પડકારો હોય છે, તેનો સામનો કેવી રીતે કરે છે? તે જણાવે છે કે તમારી વસ્તી આટલી મોટી થઈ ગઈ છે, તેમાં કોન્ડમનું કેટલું મહત્વ છે. આ ફિલ્મ 10 જૂને રિલીઝ થવાની છે.