આગ્રાના સિકંદરા ત્રણ રસ્તા પાસે સિકંદરા ગેસ્ટ હાઉસ અને રેસ્ટોરન્ટના રૂમ નંબર 121 માં 38 વર્ષીય મહિલાની હત્યાના આરોપીને પોલીસે મંગળવારે સવારે ધરપકડ કરી હતી. પોલીસની પૂછપરછમાં આરોપીએ મહિલા સાથે પ્રેમ સંબંધ હોવાનું જણાવ્યું હતું. પરંતુ હવે તે મોબાઈલ પર કોઈ બીજા સાથે વાત કરતી હતી. તેને કોઈ બીજા સાથે સંબંધ હોવાની શંકા હતી. મોબાઈલ ગિફ્ટ કરવાનાં બહાને તેને હોટલ બોલાવવામાં આવી હતી. ત્યારબાદ બેલ્ટથી તેનું વડે ગળું દબાવીને તેની હત્યા કરીને તે ફરાર થઈ ગયો હતો. પોલીસે આરોપીને જેલમાં મોકલી આપ્યો છે.

‘પ્રીતિ અને મારા બે વર્ષથી પ્રેમ સંબંધ હતો. તેણે મારી પાસેથી 70 હજાર રૂપિયા લીધા હતા, હવે તે વધુ માંગતી હતી. મને એ પણ ખબર પડી કે તેણે કોઈ બીજા સાથે દોસ્તી કરી હતી, તેથી તેને મોબાઈલ ગિફ્ટ આપવાના બહાને ગેસ્ટ હાઉસમાં બોલાવી અને બેલ્ટથી ગળુ દબાવીને ઠેકાણે લગાવી દીધી હતી. મને ખબર નહોતી કે ગેસ્ટ હાઉસમાં કેમેરા છે, નહીં તો તેની હત્યા કોઈ બીજી જગ્યાએ કરતી…. પોલીસને અપાયેલું આ નિવેદન પ્રીતિની હત્યાના આરોપમાં ઝડપાયેલા લખનનું છે. પોલીસનો દાવો છે કે તેનો ચહેરો ફૂટેજ સાથે મેચ થયો છે.

એસપી સિટી બોટ્રે રોહન પ્રમોદે જણાવ્યું હતું કે, બાઈપુર નિવાસી પ્રીતિનો પતિ લિખેન્દ્ર બઘેલ ટેમ્પો ચાલક છે. તેમને ત્રણ બાળકો છે. પ્રીતિ એક ફેક્ટરીમાં કામ કરતી હતી. નગલા બૂઢી, થાના ન્યૂ આગરા નિવાસી આરોપી લખન (19) બાઈપુર સ્થિત ફેક્ટરીમાં બેગ બનાવવાનું કામ કરતો હતો. બંનેની ઓળખાણ થઈ જે પહેલા મિત્રતા અને પછી પ્રેમમાં ફેરવાઈ. બંને ઘણીવાર સિકંદરાની હોટલો અને ગેસ્ટ હાઉસમાં મળતા હતા.

પહેલા હાથથી અને પછી બેલ્ટથી ગળું દબાવ્યું
બકોલ એસપી સિટી, આરોપીએ જણાવ્યું કે, ગેસ્ટહાઉસમાં પ્રીતિએ કહ્યું કે બતાવો, તમે કયો મોબાઈલ લાવ્યા છો? તેણે કહ્યું તારી આંખો બંધ કર, હમણા દેખાડું છું. આંખો બંધ કરતાં જ તેણે તેના હાથથી ગળુ દબાવી દીધું. તે બચી ન જાય તેવા ડરમાં તેણે પટ્ટાથી ગળુ દબાવી દીધું હતું.

ગેસ્ટ હાઉસના કર્મચારીએ જાતે લગાવી બનાવટી ID
એસપી સિટી બોત્રે રોહન પ્રમોદે જણાવ્યું હતું કે ગેસ્ટ હાઉસના કર્મીઓએ જાણકારી આપી હતી કે, મહિલા સાથે આવેલા યુવકે રાયબરેલીના ફુરસતગંજ નિવાસી સંદીપ ગુપ્તાના નામની આઈડી આપી હતી. આ આઈડી નકલી હતી. આરોપી લખનની ધરપકડ કર્યા બાદ પોલીસે આઈડી અંગે પૂછપરછ કરી હતી. તેણે કહ્યું કે તેણે આઈડી વગરનો રૂમ લીધો હતો. તે દર વખતે આવું કરતો હતો. તેને પૂછ્યું કે નકલી આઈડી કેવી રીતે લગાવ્યુ તો તેણે કહ્યું કે આ ગેસ્ટ હાઉસ વર્કરે લગાવ્યુ હશે. સિકંદરાની હોટલ અને ગેસ્ટ હાઉસમાં આ સામાન્ય વાત છે. આઈડી એ લોકોની પાસેથી લેવામાં આવે છે જે આગ્રાની બહારના હોય છે. તેની ઘણી ફોટોકોપી તેના કરવામાં આવે છે. આગ્રાના યુવક-યુવતીઓ આ ગેસ્ટ હાઉસ અને હોટલોમાં એટલા માટે જ જાય છે કારણ કે અહીં આઈડી માંગવામાં આવતી નથી. કર્મચારીઓએ બુકિંગની સાથે બહારના લોકોની આઈડીની નકલ લગાવી દે છે.

જતી રહી હતી નોકરી
પોલીસની પૂછપરછ દરમિયાન આરોપી લખને જણાવ્યું કે પ્રીતિ પહેલાં ટિફિન સર્વિસનું કામ કરતી હતી. લખને તેની પાસે ટિફિન પણ બંધાવ્યુ હતુ. તેઓ ઘણી વાર હોટલોમાં મળતા હતા. પ્રીતિ વારંવાર પૈસાની માંગ કરતી હતી. લોકડાઉન થયા બાદથી તેનું કામ સારું ચાલી રહ્યુ ન હતું. પાંચ દિવસ પહેલા નોકરી પણ જતી રહી હતી.

હોટલ કર્મચારીઓએ પોલીસને ગેરમાર્ગે દોરી
પોલીસની તપાસ દરમિયાન હોટલ સ્ટાફે પોલીસને ગેરમાર્ગે દોરી હોવાનું જાણવા મળ્યું છે કે આરોપી અગાઉ પણ ઘણી વખત હોટલ ગયો હતો. પહેલીવાર તેની પાસેથી આઈડી લેવામાં આવી હતી. પરંતુ જ્યારે તે વારંવાર આવવા લાગ્યો, ત્યારે આઈડી લેવાનું બંધ કરી દીધુ હતુ. હત્યાના દિવસે પણ તે આઈડી વિના આવ્યો હતો. પરંતુ, હોટલ સ્ટાફે પોલીસને આધારકાર્ડ બતાવ્યું હતું. તે રાયબરેલીના સંદીપ ગુપ્તાનું હતું. સ્ટાફે પોલીસને ગેરમાર્ગે દોર્યો હતો. આ અંગે પોલીસ કેસ દાખલ કરશે.

છ હોટોલોમાં પોલીસે કરી તાળાબંધી
સિકંદરાની હોટલમાં હત્યાની ઘટના બાદ એસપી સિટી બોત્રે રોહન પ્રમોદે પોલીસ સ્ટેશનને તપાસનો આદેશ આપ્યો હતો. પોલીસે આસપાસની છ હોટલોને ચેક કરી હતી. સંચાલકો પાસે લાઇસન્સ નહોતા. એવી પોલીસે છ હોટલો બંધ કરી હતી. તેમને તાળાબંધી કરવામાં આવી છે. એસપી સિટીએ માહિતી આપી હતી કે આગળની તપાસ હાથ ધરી છે. તેનો રિપોર્ટ વહીવટીતંત્રને પણ આપવામાં આવશે.