બોલિવૂડ એક્ટર સૈફ અલી ખાન પર હુમલાના આરોપીની ધરપકડ કરવામાં આવી છે. તે એક હાઉસકીપિંગ ફર્મમાં કામ કરતો હતો. હુમલાખોર વિશે અન્ય ચોંકાવનારી માહિતી પણ બહાર આવી છે. તે પહેલા પણ સૈફ અને કરીનાના ઘરે ગયો હતો. પરંતુ હુમલાની રાત્રે તે એક્ટરના ઘરમાં કેવી રીતે ઘુસ્યો અને તેણે સૈફ પર છરીથી હુમલો કેમ કર્યો? આ અંગે નવી માહિતી પ્રકાશમાં આવી છે.
શું આરોપી પહેલા પણ સૈફના ઘરે ગયો હતો? મળતી માહિતી મુજબ, સૈફ અલી ખાનના ઘરમાં ઘૂસીને હુમલો કરનાર આરોપી મોહમ્મદ શરીફુલ ઇસ્લામ શહજાદ એક હાઉસકીપિંગ ફર્મમાં કામ કરતો હતો. સૈફ પોતાના હાઉસ હેલ્પરની મદદથી ક્યારેક ઘરની સફાઈ કરવા માટે હાઉસકીપિંગ ફર્મ દ્વારા કેટલાક લોકોને બોલાવતો હતો. આ દરમિયાન, આરોપી મોહમ્મદ શહજાદ પહેલા પણ સૈફના ઘરે આવી ગયો હતો. મુંબઈ પોલીસનું કહેવું છે કે આરોપી 5-6 મહિના પહેલા જ મુંબઈ આવ્યો હતો. તે અહીં એક હાઉસકીપિંગ કંપનીમાં કામ કરતો હતો.કદાચ તેનો ઈરાદો ઘરમાં ઘૂસીને ચોરી કરવાનો હતો કે બીજો કોઈ. હવે સત્ય શું છે, તે તપાસ બાદ જ સ્પષ્ટ થશે.